Иқтисодий ишлар бўйича суд харажатларини ундириш амалиёти тўғрисида

Ўзбекистон Республикаси Олий суди Пленуми “Иқтисодий ишлар бўйича суд харажатларини ундириш амалиёти тўғрисида” 2020 йил 19 декабрдаги 36-сонли қарорига таклифлар
ЖАДВАЛИ

№	Амалдаги таҳрир	Таклиф этилаётган таҳрир	Асоси
1.	5. Давлат божи даъво аризаси (ариза), шикоят судга берилгунга қадар тўланади, агар қонунда бошқача белгиланмаган бўлса (масалан, тўловчи давлат божини тўлашдан озод қилинган ёки суд давлат божи тўлашни кечиктирган бўлса). Давлат божи нақд пулсиз шаклда тўланганлиги факти банкнинг тўлов қабул қилинганлиги тўғрисидаги белгиси бўлган тўлов топшириқномаси билан тасдиқланиши шарт.	5. Давлат божи даъво аризаси (ариза), шикоят судга берилгунга қадар тўланади, агар қонунда бошқача белгиланмаган бўлса (масалан, тўловчи давлат божини тўлашдан озод қилинган ёки суд давлат божи тўлашни кечиктирган бўлса). Давлат божи нақд пулсиз шаклда тўланганлиги факти банкнинг тўлов қабул қилинганлиги тўғрисидаги белгиси бўлган тўлов топшириқномаси ёки Ўзбекистон Республикаси Олий судининг электрон тўлов тизимидан олинган хос рақамли тўлов квитанцияси билан тасдиқланиши шарт.	Давлат божи белгиланган тартибда миқдорда тўланган тақдирда Ўзбекистон Республикаси Олий судининг электрон тўлов тизими “Sud e-to`lov” дан олинган хос рақамли тўлов квитанциясида белгиланган сумма “Тўлиқ тўланган”лиги акс этади. Бу ўз навбатида давлат божи тўланганлигини тасдиқлайди.
2.	3. Тушунтирилсинки, иқтисодий ишлар бўйича давлат божи қуйидагилардан ундирилади: 1) судларга бериладиган даъво аризаларидан; 2) ташкилотларни ва фуқароларни банкрот деб топиш тўғрисидаги аризалардан; 3) низо предметига нисбатан мустақил талаблар билан арз қилувчи учинчи шахс сифатида ишга киришиш ҳақидаги аризалардан; 4) иқтисодиёт соҳасида юридик шахслар ва якка тартибдаги тадбиркорларнинг ҳуқуқлари юзага келиши, ўзгариши ёки бекор бўлиши учун аҳамиятга эга бўлган фактларни аниқлаш тўғрисидаги аризалардан; 5) ҳакамлик судининг ҳал қилув қарорлари юзасидан низолашиш ҳақидаги аризалардан; 6) ҳакамлик судининг ҳал қилув қарорларини мажбурий ижро этиш учун ижро варақаси бериш тўғрисидаги аризалардан; 7) чет давлат судининг (арбитражининг) ҳал қилув қарорини тан олиш ва ижрога қаратиш ҳақидаги аризалардан; 8) апелляция, ва кассация ва назорат шикоятларидан:	чиқариб ташланмоқда	Ўзбекистон Республикасининг 2021 йил 12 январдаги ЎРҚ-663-сонли Қонуни
3.	20. Судларга тушунтирилсинки, давлат божи билан боғлиқ масалалар бўйича қабул қилинган суд ҳужжатлари устидан умумий асосларда шикоят (протест) берилиши мумкин. Агар апелляция, ва кассация ва назорат шикояти берилганда суд ҳужжатининг фақат ундириш ёки ундиришни рад этиш қисми шикоят қилинаётган бўлса, давлат божи низолашилаётган суммадан келиб чиқиб ҳисобланади.	чиқариб ташланмоқда	Ўзбекистон Республикасининг 2021 йил 12 январдаги ЎРҚ-663-сонли Қонуни
4.	21. Судлар шуни назарда тутиши лозимки, «Давлат божи тўғрисида»ги Қонун 9-моддасининг биринчи қисмида кўрсатилган шахслар (2, 20, 21-бандларида кўрсатилган шахслардан ташқари) суд ҳужжатлари устидан апелляция, кассация, назорат шикояти билан мурожаат қилганда давлат божидан озод этилган. Апелляция ва кассация ва назорат шикоятидан воз кечилганлиги сабабли, шикоят кўрмасдан қолдирилганда ёки иш юритиш тугатилганда, тўланган давлат божи қайтарилмайди, агар шикоят беришда давлат божи тўланмаган бўлса, давлат божи шикоят берган шахсдан ундирилади.	чиқариб ташланмоқда	“Давлат божи тўғрисида”ги Ўзбекистон Республикаси Қонуни 9-моддаси биринчи қисми 2-бандига мувофиқ Ўзбекистон Республикаси Савдо-саноат палатаси ва унинг ҳудудий бошқармалари иқтисодий судларда давлат божини тўлашдан озод қилинганлиги боис, амалиётда ҳам Палата суд ҳужжатлари устидан апелляция, кассация шикояти билан мурожаат қилганда давлат божи ундирилмасдан келинмоқда. Ўзбекистон Республикасининг 2021 йил 12 январдаги ЎРҚ-663-сонли Қонуни
5.	22. Юқори инстанция судлари иқтисодий ишларни апелляция, кассация, назорат тартибида кўриш вақтида қуйи инстанция судлари томонидан суд харажатларини ундиришда йўл қўйилган камчиликларни тузатиш чораларини кўриши лозим.	чиқариб ташланмоқда	Ўзбекистон Республикасининг 2021 йил 12 январдаги ЎРҚ-663-сонли Қонуни

Тошкент шаҳар судининг иқтисодий ишлар бўйича судлов ҳайъати