Istiqlol shukronasi

ISTIQLOL SHUKRONASI
Dunyo mamlakatlari ichida yagona, navqiron, beqiyos qancha ta’riflasang ham so’z topish juda mushkul bo’lgan Vatanimiz bugun 30 yoshda. Bizning ota-bobolarimiz bunday kunlarni orzu qilishgan.
Mustaqillik! Bu o’zi nima degan savolga men shunday ta’rif bergan bo’lar edim: ozodlik, obodlik, g’urur, iftixor, erkinlik, farovon hayot, farzandlar quvonchi, qulay imkoniyatlar, tuganmas bilim olish uchun qulay sharoitlar, charog’on ko’chalar, obod xonadonlar ko’z o’ngimizda gavdalanadi. Bundan 30 yil orqaga nazar soladigan bo’lsak bu kunlar xuddi tushga o’xshab ko’rinadi.
Hurmatli Birinchi Prezidentimiz Islom Abdug’aniyevich Karimov boshlagan ezgu ishlarini munosib davomchisi muhtaram Prezidentimiz Mirziyoyev Shavkat Miromonovich juda qisqa muddat ichida ko’plab islohotlarlarni amalga oshirdilar. Biror soha qolmadiki, yangiliklar kirmagan bo’lsa. Prezidentimiz tashabbusi bilan mamlakatimizni chekka-chekka qishloqlari ham shahar qiyofasini ko’rsata boshladi.
Shunday islohotlar bizning Parkent tumanimizga ham ko’plab qulayliklar olib keldi. Tumanimizda aholi salomatligini oshirish, ularga qulayliklar yaratish uchun markaziy shifoxona, yoshlar ijodiyot uylari, yangidan qayta qurilgan umumiy o’rta ta’lim muassasalari qurilib foydalanishga topshirildi. Shunday o’zgarishlar biz istiqomat qiladigan Gulbo’g qo’rg’onini ham chetlab o’tmadi. “Obod qishloq” dasturi orqali ko’chalarimiz asfalt qilindi, yoritish jihozlari bilan ta’minlandi, xududdagi 34-umumiy o’rta ta’lim maktabi to’liq kapital ta’mirlanib zarur shart-sharoitlarga ega bo’lgan zamonaviy ta’lim dargohiga aylantirildi. Bularni barchasi uchun xurmatli yurtboshimizga kattadan katta tashakkurlarmizni izhor qilsak shuncha oz deb o’ylayman.
Men oddiy bir muallim sifatida ta’lim sohasidagi bo’layotgan o’zgarishlar, islohotlarni ko’rib hayratdan ta’rifga so’z topa olamayapman. Shuning uchun bo’layotgan o’zgarishlarni yoritishga harakat qildim.
Bugun quvonchim sig’mas qalbimga,
Hech qanday so’z, topolmam ta’rifinga,
Dunyoda yagonam, ona kabi pok,
Vatanim, mustaqillik kuning muborak!

Senda o’sdim, ulg’aydim, yetdim kamolga,

Senla topdim baxtim, yetmay zavolga,
Bugun jo’shib-jo’shib aytaman tilak,
Vatanim, mustaqillik kuning muborak!

Kunlar o’tib borar, o’tmoqda yillar,

Ushalib bormoqda barcha orzular,
Baxtu-hayajondan titraydi yurak,
Vatanim, mustaqillik kuning muborak!

Madhingni kuylaydi keksa, yosh bari,

Ezgulik qalblarning nurli gavhari,
Tilimizda bir so’z aylanar beshak
Vatanim, mustaqillik kuning muborak!

30 yosh, navqiron yigitning Yoshi,

Boshingda porlaydi tinchlik quyoshi
Ushalibdi ezgu orzu-yu, istak,
Vatanim, mustaqillik kuning muborak!

Guljaxon Toshova
34-umumiy o’rta ta’lim maktabi
boshlang’ich ta’lim o’qituvchisi