Issn 2091-5446 ilmiy axborotnoma научный вестник scientific reports

 
UDK-297:61 
ISLOM AQIDALARIDA SALOMATLIKNI ASRASHGA YO‘NALTIRILGAN 
QADRIYATLAR TIZIMI
(biznes va xizmat ko‘rsatish sohalari asosida) 
I.B.Mattiyev
Samarqand davlat chet tillar instituti
 
Annotatsiya. Ushbu maqolada o‘quvchilarni inson salomatligini saqlashga yo‘naltirilgan taqiq va 
rag‘batlar tizimidan xabardor qilish maqsadida biznes va xizmat ko‘rsatish sohalari asosida islom 
aqidalarida salomatlikni asrashga yo‘naltirilgan qadriyatlar tizimi keltirilgan. 
Kalit so‘zlar: salomatlik, qadriyat, biznes va xizmat ko‘rsatish sohalari, jamiyat, diniy normalar, 
tafakkur. 
Zamonaviy jamiyatlarda inson salomatligini muhofaza qilish amaliyoti juda keng tarqalmoqda. 
Inson salomatligini asrash, sog‘lom turmush tarzini targ‘ib qilish, insonlarni sog‘lomlashtirish davlat 
siyosatining muhim yo‘nalishlaridan biriga aylanib bormoqda. [4] 
Islom dini, dunyodagi boshqa dinlar kabi, o‘z qadriyatlari va diniy normalari tizimida alohida 
e’tiborni salomatlikni asrash tamoyillariga qaratadi [1]. Salomatlikni asrash tamoyillari tarkibida esa 
tadbirkorlik faoliyatini olib borishda, aholiga xizmat ko‘rsatish jarayonida salomatlik va salomatlikni 
muhofaza qilish masalalariga bag‘ishlanadi. Odamlar o‘rtasidagi mavjud bo‘lgan turli iqtisodiy, savdo-
sotiq, ayirboshlash munosabatlarini olib borish va tashkil qilishda sog‘lom munosabatlarni o‘rnatish 
masalasiga islom ahkomlarida alohida e’tibor qaratilgan va mana shunday munosabatlarning ma’lum 
normalari ishlab chiqilgan. Mana shunday sog‘lomlik va salomatlikni muhofaza qilish, uni asrash 
islomiy normalari Qur’oni karim, hadislar, shariat talablari orqali musulmonlar ongi va tafakkuriga 
singdirilgan [3]. Ular musulmonlar va umuman insonlar o‘rtasidagi munosabatlarni to‘g‘ri tashkil 
qilinishiga xizmat qilgan. Shunga ko‘ra, biz mazkur maqolamizda islom ahkomlarida biznes va xizmat 
ko‘rsatish sohasida salomatlikni asrashga yo‘naltirilgan normalarning nimalardan iborat ekanligiga bir 
nazar solamiz. 
Islom dini o‘z izdoshlari, ya’ni mo‘minlar uchun ijtimoiy hayotning har bir sohasida sog‘lom 
turmush tarzining barcha zarur normalari va talablarini to‘liq ishlab chiqqan va musulmonlar kundalik 
hayotiga tatbiq etgan. Buning yorqin misollaridan biri bu inson salomatligiga zarar yetkazuvchi barcha 
134 

---