Issn 2091-5446 ilmiy axborotnoma научный вестник scientific journal 2020-yil, 2-son (120) gumanitar fanlar seriyasi

ILMIY AXBOROTNOMA IQTISODIYOT 2020-yil, 2-son 
99 
bozorini tartibga solish mexanizmlarini takomillashtirish, ishchi kuchi mobilligini oshirishning ilmiy-
uslubiy va amaliy jihatlarini tadqiq etish dolzarb hisoblanadi. 
Mavzuga oid adabiyotlarning tahlili
Mehnat bozori sifat xususiyatining eng muhim mezoni sifatida uning infratuzilmasining rivojlanish 
darajasi, mehnat bozori infratuzilmasining ijtimoiy-iqtisodiy mohiyati, tarkibiy qismlari elementlari, asosiy 
vazifalari va funksiyalari, davlat va nodavlat ish bilan bandlikka ko‘maklashuvchi tuzilmalari faoliyati, 
mehnat bozori shakllanishi va rivojlanishini huquqiy, tashkiliy va ijtimoiy-iqtisodiy jihatdan tartibga solish 
mexanizmlari, ish bilan bandlik sohasida davlat siyosatining asosiy yo‘nalishlari, maqsad va vazifalari, 
davlat ish bilan bandlik siyosati samaradorligini baholash usullari va ko‘rsatkichlari,
 
ish bilan bandlikni 
ta’minlash va ish joylarini rag‘batlantirish mexanizmi, aholini samarali ish bilan bandligiga ko‘maklashish 
bo‘yicha davlat tomonidan amalga oshiriladigan chora-tadbirlar Abdurahmonov Q.X. [1], Beysenov S, 
Muhambetov T. [2], Varfolomeeva O.A. [3], Rudneva L.N. [6], Wright P. M., Gardner T. M., Moynihan L. 
M. [8] larning asarlarida tadqiq etilgan.
Shuningdek, mehnat bozori infratuzilmasining iqtisodiyot va boshqaruv sohasida turli 
darajalardagi tarkibiy qismlari va elementlari hamda davlat ish bilan bandlik xizmati faoliyati 
samaradorligini baholash ko‘rsatkichlari tasnifi hamda ish bilan bandlik xizmati faoliyatining 
samaradorligini baholash uchun optimal usullardan foydalanish zarurati Varfolomeeva O.A. [3], Lawler E., 
Boudreau J. [5], Smirnov S. [7] larning ilmiy tadqiqotlarida o‘z ifodasini topgan. Mehnat bozori 
infratuzilmasining iqtisodiyot va boshqaruv sohasida turli darajalardagi tarkibiy qismlari va elementlari 
hamda davlat ish bilan bandlik xizmati faoliyati samaradorligini kompleks baholashning umumlashgan 
ko‘rsatkichlari tizimi Sims R. [9], Rudneva L.N. [6] lar tomonidan o‘rganilgan.