Issn 2091-5446 ilmiy axborotnoma научный вестник scientific journal 2020-yil, 2-son (120) gumanitar fanlar seriyasi

 
Kirish.
Prezidentimiz Shavkat Mirziyoev Oliy Majlisga yoʼllagan 2020 yil 24 yanvardagi 
Murojaatnomasida 2020 yilni “Ilm, maʼrifat va raqamli iqtisodiyotni rivojlantirish yili” deb atadilar. 
Davlatimiz rahbarining ushbu Murojaatnomasini nafaqat 2020 yil uchun ishlab chiqilgan Dasturlarni, 
balkim, mamlakatimizni yaqin kelajakda taraqqiyot yoʼlini belgilab beruvchi ham fundamental ham amaliy 
ahamiyatga ega boʼlgan tarixiy hujjat sifatida baholashimiz zarur. Prezidentimiz taʼkidlaganidek 
“...Oʼzbekistonni texnologik rivojlantirish va ichki bozorni modernizatsiya qilish boʼyicha kuchli milliy 
gʼoya, milliy dastur kerak. Ushbu dastur Oʼzbekistonni jahondagi taraqqiy topgan mamlakatlar qatoriga 
tezroq olib chiqishga amaliy imkon yaratishi lozim”. 
Raqamli iqtisodiyot rivojlangan davlatlarda YaIMni umumiy hajmi ham, YaIMni aholi son 
boshiga ulushi ham yuqoridir. Shu jihatdan, davlatimiz rahbarining bu masalaga davlat miqyosida 
qarashlari bir maqsadni koʼzlaydi, u ham boʼlsa, birinchidan, aholining yashash darajasini yuksaltirish, 
ikkinchidan, aholining real daromadlarini oshirishga xizmat qilsa, uchinchidan, yashirin iqtisodiyotga 
barham berilib amalga oshirilayotgan operatsiyalar elektron roʼyxatdan oʼtilishi barobarida hamma narsa 
shaffof boʼlishiga erishiladi. 
Yurtimizdagi qulay ishbilarmonlik muhiti, ishlab chiqarish hamda savdo surʼatlarining oʼsishi ham 
albatta, soha yuksalishida muxim omil boʼldi. Jamiyatning iqtisodiy-ijtimoiy rivojlanishda zamonaviy 
bilimlar va axborot kommunikatsiya texnologiyalari muhim rolь oʼynaydi. Yuqori informatsion 
texnologiyalar va axborot kommunikatsiyalardan toʼgʼri foydalanish har bir tadbirkorni strategik vazifasi 
hisoblanib, mehnat unimdorligi, ishlab chiqarish samaradorligini oshiradi va aholi daromadlarining 
oshishini taʼminlaydi [1]. 
Аsosiy qism.
Raqamli iqtisodiyot – bu iqtisodiy, ijtimoiy va madaniy aloqalarni raqamli 
texnologiyalarni qoʼllash asosida amalga oshirish tizimidir. Baʼzida u internet iqtisodiyoti, yangi 

---