Issn 2091-5446 ilmiy axborotnoma научный вестник scientific journal

ILMIY AXBOROTNOMA TARIX 2019 - yil, 6 - son 
32 
e’tirof etilib kelinadi. Boy tarixga ega Samarqand shahri bugunga qadar eng yirik siyosiy, iqtisodiy va 
madaniy markaz sifatida ko‘plab buyuk shonli davrlarni guvohi bo‘ldi. Bu borada Muhtaram Prezidentimiz 
Shavkat Mirziyoyev quyidagi fikrlarini bildirgan edilar: “Bu go‘zal vohadagi ko‘hna Afrosiyob 
yodgorliklari, Shohizinda ansambli, Xazrati Xizr masjidi, Xazrati Doniyor maqbarasi, muazzam Registon 
maydoni singari o‘nlab-yuzlab noyob obidalar bugungi kunda ham butun dunyoni o‘ziga maftun etib 
kelmoqda. Qadimda Sug‘diyona va Maroqand nomi bilan mashhur bo‘lgan davlatlarning shu zaminda 
barpo etilgan milliy davlatchiligimizning tamal toshlari aynan shu yerda quyilganidan dalolat beradi. Bu 
haqda gapirganda, Samarqandni o‘zining buyuk saltanatiga poytaxt qilib, uni jahondagi eng qudratli va 
obod shaharlardan biriga aylantirgan Sohibqiron Amir Temur va u kishining nabirasi Mirzo Ulug‘bek 
bobolarimizning nomlarini hurmat-ehtirom bilan tilga olishimiz tabiiydir. Bu tabarruk diyor dunyo ilm-u 
fani va madaniyati rivojida beqiyos o‘rin tutadigan Imom Buxoriy, Imom Moturidiy, Qozizoda Rumiy, Ali 
Qushchi, Xo‘ja Ahror Valiy, Abdurahmon Jomiy, Alisher Navoiy, Abulays Samarqandiy, Davlatshoh 
Samarqandiy kabi ko‘plab aziz-avliyolar, shoir va allomalar uchun kamolot beshigi bo‘lib xizmat qilgani 
barchamizga g‘urur bag‘shlaydi ” [1]. 
Qadimgi davrda, hamda Buyuk ipak yo‘li amalda bo‘lgan asrlarda taraqqiyotning yuksak 
cho‘qqisiga erishgan Samarqand shahri ming afsuski ma’lum davrlarda tahlikali og‘ir damlarni ham o‘z 
boshidan kechirishga majbur bo‘lgan, lekin yillar o‘tib qaytadan tiklanib yana ko‘rkam va gavjum shaharga 
aylangan. Qadimiy va markaziy shaharlarning taraqqiyotini o‘rganish bilan birgalikda, ularning 
tushkunlikka uchrashi, buning sabab va oqibatlarini, qayta tiklanib oldingidek obod shaharga aylanish 
jarayonlarini tahlil qilish tarix fanining muhim vazifalaridan biri hisoblanadi. Ishda XVIII asrda oxirida 
Samarqandda yuz bergan muhim tarixiy voqealarni yoritish maqsad qilingan.