Issn 2091-5446 ilmiy axborotnoma научный вестник scientific journal

ILMIY AXBOROTNOMA TARIX 2019 - yil, 6 - son 
29 
Samarqand zaminida yetishtirilayotgan uzumlar shiradorligi jihatdan dunyoda yetakchi o‘rinni 
egalaydi. Mana shunday bebaho xomashyodan tayyorlangan xushbo‘y sharoblar sarxush konyaklar bir 
necha yildan biri xorijga eksport qilinmoqda. Korxona 2000-yildan beri o‘z mahsulotlarini chetga sotishni 
yo‘lga qyiygan. Bu, albatta, xorijliklar talabi hamda hukumatimiz qarori asosida amalga oshirilmoqda. 
1999-yilda “Samarqand balzami” Amerika vinochilar assotsiiatsiyasi tomonidan yuqori baholandi va sifat 
sertifikatiga ega bo‘ldi. “2000-yilda esa Qrimda bo‘lib o‘tgan xalqaro degustatsiya tanlovida “Aleatiko”, 
“Gulikandoz” sharoblari va “Sherdor” konyagi oltin medalga munosib ko‘rildi. Samarqand konyagi esa eng 
oliy mukofot – “Gran-pri”ni qo‘lga kiritdi” [19]. 
Tanlovda ishtirok etgan 28ta mamlakat mutaxassislari Samarqand ichimliklari dunyoda tengsiz 
arman, fransuz, gruzin sharoblari bilan bemalol raqobatlasha oladi, deya e’tirof etishdi. Shundan keyin 
xorijlik xaridorlardan mahsulotni sotib olish uchun buyurtmalar tusha boshladi. “2000 yilda 120 ming 
AQSH dollari hajmida yuqorida nomlari qayd etilgan sharob va konyaklar chetga eksport qilindi. 2001 
yilda bu raqam 4 baravarga oshdi. Rejadagi 387 ming AQSH dollari o`rniga 477 ming AQSH dollarlik 
mahsulot xorijga sotildi. 2002 yilda bu ko‘rsatkich yana ham oshdi. 512,5 ming AQSH dollirlik konyak 
spirit chetga eksport qilindi” [19]. “O‘zmeva sabzavot uzumsanoat xolding” komponiyasi tarkibidagi 
“Markaz – servis” orqali Rossiya va Qozog‘iston mamlakatlariga eksport qilindi va respublikamizda 
faoliyat yuritayotgan sharob kombinatalari ichida “Samarqand sharob kombinati” yagona bo‘lib, eksport 
rejasini uddaladi. 
Samarqand “Nafis” aksiyadorlik jamiyati 
yengil sanoat korxonasi “O‘zengilsanoat” 
davlataksiyadorlik kompaniyasi tarkibiga kiradi. Milliy chinni buyumlar (lagan, kosa, piyola, choynak, 
ko‘za, sovg‘abop chinni to‘plamlari) ishlab chiqariladi. 1970-yilda Samarqand chinni buyumlari zavodi 
nomi bilan ishga tushirilgan, yillik quvvati 22 mln.dona chinni buyumlar ishlab chiqaradi. 
1994-yildan hozirgi nom bilan yurtilib kelmoqda. 1990 yildan korxona mahalliy xom ashyo 
hisobiga mahsulot ishlab chiqarish yo‘lga qo‘yildi. Angren kaolinidan va Langar pegmatitidan foydalana 
boshlandi. Ommabop chinni buyumlardan “Uzum”, “Oq oltin”, “Tovus”, “Navruz” nomli sharq buyumlari 
to‘plami , “Sabrina” ,”Semurug‘`” nomli bezatilgan ko‘zalar ishlab chiqariladi. 2002- yildan boshlab 
korxona mahsulotlarini chet elga eksport qilmoqda.