ИсҳОҚхон тўра ибрат танланган

МУХАММАС
ТАРИХИ ВАГОН ИСҲОҚХОН ИБРАТДИН
Наманган аҳлиға хўб ўлди, бир яхши замон келди, 
Муродоти халойиқ узра бир жону жаҳон келди,
Дема жону жаҳон авқот учун бу халққа дон келди, 
Дема дон, балки бунларга маишат узра нон келди, 
Ажиб бир фойизи арзоқи инсоний вагон келди.
Наманган аҳтига бормоқ эди Хўқандга кўб меҳнат, 
Ўтурса сарт ароба узра меҳнат устига кулфат,
Ароба меҳнатидин бормоққа бўлмас эди журъат,
Бу дарёю ароба меҳнатидин айлабон узлат,
Ажиб бир фойизи арзоқи инсоний вагон келди.
Ҳама оламни кори бори осон ўлди фойиздин, 
Баробар Мағрибу Машриқ чу як сон ўлди фойиздин, 
Бу халқуллолара арзоқи арзон ўлди фойиздин,
Матое жумла ашё келди, бир кон ўлди фойиздин, 
Ажиб бир фойизи арзоқи инсоний вагон келди.
Ташаббус айлади келтурмоққа ҳурматли Ессин, 
Билиб эрди Наманган мавзеъин бу халқ барчасин, 
Ўқуб эркан ҳандаса илмини кўбдин алифбосин, 
Мубораклар десин халққа, ишига офарин десин, 
Ажиб бир фойизи арзоқи инсоний вагон келди.
Наманган ила Хўқанд ўртаси гарчан яқин йўлдур, 
Ҳама қум бирла очуғ сув ила тўлган ямон кўлдур, 
Йўловчини босиб ўлдурмоққа босмачига қўлдур, 
Темир йўл айламоққа лозими лобад махмулдур,
Ажиб бир фойизи арзоқи инсоний вагон келди.
Минг уч юзу йигирма саккиз эрди бу темир йўлга, 
Келиб иш бошлаган эрди қарамай ўнг ила сўлга, 
Халойиқ иш бошлашиб пасту баланд, кўл ила чўлга, 
Биҳамдуллаҳ, бу ишда келди кўбни мақсади қўлга, 
Ажиб бир фойизи арзоқи инсоний вагон келди.
www.ziyouz.com kutubxonasi

---

Бўлуб бу шаҳримиз навзоди бунёд ўлди ижодий, 
Сафарни заҳматидин халқлар олди хатти озодий, 
Наманганни ниҳодига насими етти ободий,
Қилурми ҳаргиз эмди ул кирокаш заҳматин ёди, 
Ажиб бир фойизи арзоқи инсоний вагон келди.
Намангандин чиқардук сарт ароба меҳнатин тортуб, 
Ўтуруб бесаранжом, юк ила сирка қовоқ ортуб,
Уруб отларни қумларда ва ё кўлларда кўб ҳортуб, 
Аробакаш ила хўб муштлашиб, кўб оҳ-воҳ тортуб, 
Ажиб бир фойизи арзоқи инсоний вагон келди.
Юрарга бўлди гўё тасхир боди Сулаймони,
Етургай муддаога етмайин бир лаҳза бир они, 
Кўтаргай бир шаҳар арзоқини таҳсинга йўқ жони, 
Кўб эрур хонаси анвоини йўқтур ҳадди сони,
Ажиб бир фойизи арзоқи инсоний вагон келди.
Эди катта хатар йўлчилара бу шаҳар баҳри,
Агар тошса, бу дарё ўтуб бўлмас Худо қаҳри,
Мунга айлаб темир кўприк гўё бир этиб наҳри, 
Умумий кўб машаққат ўлди осон ҳикмати даҳри, 
Ажиб бир фойизи арзоқи инсоний вагон келди.
Ўқингиз, илми ҳикмат сизга, бу иш катта Ибратдур, 
Агар илм ўрганурсиз барча ишда сизга нусратдур. 
Агар илм ўлмаса, нодон умри барча кулфатдур,
Бу ашёи жадиди мубаддини асли ҳикматдур,
Ажиб бир фойизи арзоқи инсоний вагон келди.