Мавзусидаги диссертация ишига тақриз

А.Қодирий номидаги Жиззах давлат педагогика институти магистранти Қаршиев Мурод Нарзулла ўғлининг магистрлик даражасини олиш учун тақдим қилинган «Менеджер шахси компетентлиги ва бошқарув фаолияти» мавзусидаги диссертация ишига
ТАҚРИЗ

Ўзбекистон Республикаси олий таълим тизимини 2030 йилгача ривожлантириш концепциясида юқори малакали кадрлар тайёрлаш борасида олий таълим тизими олдида бугунги кунда ўз ечимини кутаётган бир қатор муаммо ва камчиликлар сақланиб қолаётганлиги таъкидлаб ўтилган. Жумладан, амалдаги малака талаблари, ўқув режа ва дастурлари мазмун жиҳатидан битирувчиларда амалий кўникмаларни шакллантиришга йўналтирилмаганлиги, талабаларда танқидий фикрлаш кўникмалари етарли эмаслиги, таълим, фан ва ишлаб чиқаришнинг мустаҳкам интеграцияси таъминламаганлиги, илғор хорижий тажрибадан самарали фойдаланилмаётганлиги, олий таълим муассасаларида таълим сифати халқаро талабларга жавоб бермаётганлиги кабиларни келтириб ўтиш мумкин.

Айни пайтда олий маълумотли мутахассислар тайёрлаш сифатини ошириш борасида энг устувор йўналишлар қаторида таълим муассасаларида бошқаришда халқаро тажрибалар асосида такомиллаштириш, бўлажак ўқитувчилар тайёрлаш борасидаги жараёнлар сифатини объектив ва шаффоф баҳолаш параметрларини ишлаб чиқиш, ўқув жараёнида компетенцияларни кучайтиришга қаратилган методика ва технологияларни жорий этиш каби вазифалар белгилаб берилган.
Магистрант М.Н.Қаршиев томонидан тадқиқот иши учун танланган мавзу бугунги кундаги долзарб муаммолардан бўлиб, тадқиқот ишининг қуйидаги илмий янгиликлари ишнинг янада долзарблигини белгилаб берган:
таълим муассаса раҳбарларини бошқарув компетенсиясини ривожлантиришга йўналтирилган педагогик жараён мазмуни мотиватсион-мақсадли, методологик ёндашувлар асослаб берилган;
мактабгача таълим ташкилотлари тарбиячиларнинг бошқарув компетенсиясини ривожлантиришга йўналтирилган жараён модели мотиватсион-мақсадли, мазмунли, технологик ва ташҳисли-натижавий каби таркибий ташкил этувчиларни аниқлаштириш асосида ривожлантирилган;

• 
  малака ошириш жараёнида мактабгача таълим ташкилотлари тарбиячиларини бошқарув компетенсиясини ривожланганлигининг мезонлари (репродуктив, продуктив, креатив) ва даражалари (юқори, ўрта, паст) раҳбарликнинг ўзига хос мотиватсион, интеллектуал ва демографик хусусиятларига мувофиқ аниқланган.