Ислом каримов номидаги тошкент давлат техника университети

ЎЗБЕКИСТОН РЕСПУБЛИКАСИ
ОЛИЙ ВА ЎРТА МАХСУС ТАЪЛИМ ВАЗИРЛИГИ


ИСЛОМ КАРИМОВ номидаги
ТОШКЕНТ ДАВЛАТ ТЕХНИКА УНИВЕРСИТЕТИ
53313003 – Рентген техникаси ва технологияси
магистратура таълим йўналиши

“Рентген техникаси ва технологияси”

фанидан курс иши

ТОШКЕНТ – 2020 й.


УДК 621.386
Элмуротова Д.Б. «Рентген техникаси ва технологияси». Курс иши. Услубий кўрсатмалар. –Т.: Тошкент давлат техника университети, 2020.
Тақризчилар: т.ф.н., доц. Ибрагимов Ш.(ТДТУ)
т.ф. док. МагруповТ.М. (ТДТУ)

Введение
Цель курсовой работы


Тема Курсовой работы
Курс ишининг тузилмавий элементлари қуйидагилар ҳисобланади: титул варағи, режа, мундарижа, кириш, асосий қисм (2-3 боб), хулоса (хулоса ва таклифлар), фойдаланилган адабиётлар рўйхати, иловалар.
Курс ишини тахминий мундарижаси
Содержание Мундарижа
Введение Кириш
Главная часть Асосий қисм
Заключения Хулоса
Использованные литературы Фойдаланилган адабиётлар рўйхати
Приложение Илова
20-30 бетни (иловаларсиз).


Курс ишининг “Кириш” қисмини ёзиш бўйича кўрсатма:
Курс ишининг кириш қисмида мамлакатимизда амалга оширилаётган тиббиёт соҳасидаги рентген трубкалари бўйича олиб борилаётган ислоҳотларнинг истиқболли йўналишларидан келиб чиққан ҳолда танланган мавзунинг долзарблиги, илмий ва амалий аҳамияти, мавзунинг ўрганилганлик даражаси, мақсади ва вазифалари, тадқиқотнинг объекти ва предмети ва ишнинг таркибий тузилиши мазмунан ёритилади.
Мақсад ва вазифалар курс ишининг асосий мазмунини акс эттириши ва белгиланган вазифаларни ечишга йўналтирилганини кўрсатиб бериши лозим.
Курс ишининг “Асосий қисм” қисмини ёзиш бўйича кўрсатма:
Биринчи параграфда курс ишининг назарий асослари баён этилиб, тадқиқотнинг илмий ва услубий жиҳатларига қаратилади ва тадқиқот олиб борилган объектнинг таснифини ўзида акс эттириши лозим. Бунда ҳозирги даврда бу мавзуга бўлган назарий ёндошувлар, масаланинг моҳияти, муаммони ечишнинг асосий омиллари ва талабанинг илмий, назарий қарашларига бўлган муносабати билдирилади.
Мавзунинг хусусиятидан келиб чиқиб, алоҳида параграфда мавзуга оид муайян услубий масалаларни ҳам кўриб чиқиш фойдадан холи эмас. Албатта, талаба учун мавзунинг назарий ва услубий жиҳатларини ишлаб чиқиш оғир. Аммо, мавзуда кўриб чиқилаётган масалаларни ечимига оид илмий-услубий ёндошувлар ва уларнинг самарадорлигини баҳолаш мезонларига умумий баҳо бериб кетиш мумкин.
Иккинчи параграф одатда муайян тадқиқот объекти бўйича ўрганилаётган муаммонинг умумий ҳолатини таҳлил этишга бағишланади. Ўрганилаётган объектнинг ташкилий-иқтисодий кўрсаткичларини таҳлил этиш етарлича чуқур ва мақсадга йўналтирилган бўлиши, масалага оид ҳақиқий маълумотларга асосланиши лозим. Курс ишида тадқиқот объектининг 3-5 йиллик маълумотлари таҳлили асос қилиб олиниши лозим.
Учинчи параграфда муаллиф таҳлиллар асосида мавзуни такомиллаштириш бўйича таклифлар ва тавсиялар, услубий ёндошувлар ишлаб чиқади, илгари сурилаётган таклиф ва ғоялар ҳам илмий ҳам амалий жиҳатдан асосланади.
Учинчи параграф устида ишлаш талабадан чуқур тайёргарликни талаб этади. Бунинг учун илмий адабиётлар ва амалий характердаги маълумотларнинг етарли бўлиши кифоя қилмайди. Ушбу параграфни тайёрлашда талабанинг илмий-тадқиқотлар олиб боришга қодирлиги, муаммони чуқур таҳлил эта олиши ва мураккаб ишлаб чиқариш шароитларида тўғри қарорлар қабул қила олиши намоён бўлади.
Талаба фан-техника ва ишлаб чиқаришнинг охирги ютуқларидан бохабар бўлган, зарурий меъёрий ҳужжатлар билан таъминланган, ишлаб чиқаришни ташкил этиш ва илғор технологияларни қўллаш бўйича тавсиялар билан қуролланган бўлсагина илмий асосланган хулоса ва таклифлар бера олиши мумкин.