Ислом Каримов номидаги Тошкент Давлат техника Университети Олмалиқ филиали Рўйхатга олинди “Тасдиқлайман ”

(Глоссарий)
Экология фанидан асосий атамалар мазмуни
Абиотик омиллар- буларга жонсиз табиат омиллари киради.
Биотик омиллар- буларга тирик табиат омиллари, яъни ўзаро таъсирда бўладиган организмлар киради.
Мутлоқ намлик – бу 1м³ ҳаво таркибидаги ўртача намлик.
Энг юқори намлик – бу 1м³ ҳавони тўйинтириш учун сарфланадиган намлик ҳисобланади.
Гидрофиллар – фақат сувда яшайдиган организмлар.
Гигрофиллар – намлиги жуда юқори бўлган қуруқлик шароитида яшайдиган организмлар.
Термофиллар – иссиқсевар организмлар бўлиб, буларга кўпчилик микроорганизмлар, ҳашаротлар ва уларнинг личинкалари киради.
Атроф муҳит мониторинги- атроф муҳит ҳолатини доимий кузатиб бориш тизими.
Экологик экспертиза – бу инсон хўжалик фаолияти лойиҳаларининг экологик хавфсизлик ва табиатдан фойдаланиш талабларига жавоб беришини текширишдан иборат.
Муҳит – бу организмни ўраб олган, унинг ўсиши, ривожланиши ва кўпайишига таъсир этадиган экологик омиллар мажмуидир.
Кимёвий омиллар -сувнинг, ҳавонинг ва тупроқнинг кимёвий таркиби.
Физикавий омиллар -ҳарорат, ёруғлик, босим, намлик, шамол, сувнинг оқими, радиацион режим ва бошқалар.
Геологик омиллар -жойнинг рельефи.
Антропик омиллар – инсон ўзининг фаолияти билан органик дунёга ўтказадиган таъсиридир.
Эвритермлар – ҳарорат ўзгаришига чидамлилар.
Стенотермлар - ҳарорат ўзгаришига чидамсизлар.
Популяция – бу бир турга мансуб, узоқ муддат давомида бир майдонни эгаллаган ўзаро таъсирдаги организмлар гуруҳидир.
Оила – ота-оналар жуфти маълум муддатга ёки бир умрга, болалари эса улар билан вояга етгунича бирга бўлиш ҳолатидир.
Гала – бир турга кирувчи баъзи ҳайвонларнинг биологик жиҳатдан бирор фойдали ҳаракатни амалга ошириш учун вақтинчалик бирлашиш ҳолатидир.
Пода – ҳайвонларнинг галага нисбатан узоқ муддат давомида доимий бирлашиш шаклидир.
Колония – ўтроқ ҳаёт кечирувчи ҳайвонларнинг бирга яшашидир.
Фитоценоз - Биоценознинг ўсимликлар таркиби,
Зооценоз - ҳайвонлар таркиби
Микробоценоз - микроорганизмлар таркиби.
Биологик хилма-хиллик – бу барча тирик организмларнинг хилма-хиллиги.
Автотрофлар (гр. autos – ўзим, trophe - озуқа )- яъни ўзлари учун ўзлари озуқа тайёрлайдиганлар организмлар.
Гетеротрофлар (гр. geteros – бошқа, турли) - Тайёр озуқа моддалари билан озиқланувчи организмлар.