Islom, ayol va hayot

ISLOM, AYOL VA HAYOT
Islom dini ayollarning ijtimoiy, iqtisodiy va huquqiy jihatdan islomgacha bo'lgan arab jamiyatidagi diniy tushunchalarga va butun dunyodagi urf-odat va an'analardagi ayolga bo’lgan munosabatlarga inqilobiy o'zgarishlar kiritdi. Ta'limot nuqtai nazaridan esa, Islom ayol bilan bog'liq asosiy muammolarni hal qila oldi hamda ilg‘or va inqilobiy sa’y-harakatlar bilan ayollar haqidagi xato va bir yoqlama fikrlarni o‘zgartirib, insoniyatning yarmini tashkil etuvchi ayol jinsini insoniyatga qaytadan taqdim etgani inkor etib bo’lmas haqiqatdir. Shuningdek, boshqalardan farqli ravishda Qur'on karim farqli jismoniy va psixologik yaratilishlarga ega bo'lgan erkak va ayol bir-biridan ustun qo’ymaydi balki, ularni bir-birini to'ldiruvchilar sifatida ko'radi. Jumladan, Qur’oni karimda Alloh ta’olo shunday marhamat qiladi:
هُنَّ لِبَاسٌ لَكُمْ وَاَنْتُمْ لِبَاسٌ لَهُنَّؕ
Ular sizlar uchun libos, sizlar ular uchun libosdirsizlar (Baqara surasi 187 oyat). Qolaversa, Qur'on karimda ayollarning erkaklarga nisbatan ikkinchi darajali emasligi ham ta'kidlanadi. Aslini olganda, Alloh taolo uchun odamlarning eng qadrlisi “taqvoda ustun bo‘lgan”laridir:
يَٓا اَيُّهَا النَّاسُ اِنَّا خَلَقْنَاكُمْ مِنْ ذَكَرٍ وَاُنْثٰى وَجَعَلْنَاكُمْ شُعُوباً وَقَـبَٓائِلَ لِتَعَارَفُواؕ اِنَّ اَكْرَمَكُمْ عِنْدَ اللّٰهِ اَتْقٰيكُمْؕ اِنَّ اللّٰهَ عَلٖيمٌ خَبٖيرٌ
Ey, insonlar, darhaqiqat, Biz sizlarni bir erkak (Odam) va bir ayol (Havvo)dan yaratdik hamda birbirlaringiz bilan tanishishlaringiz uchun sizlarni (turli-tuman) xalqlar va qabila (elat)lar qilib qo'ydik. Albatta, Alloh nazdida (eng azizu) mukarramrog'ingiz taqvodorrog'ingizdir. Albatta, Alloh biluvchi va xabardor zotdir (Hujurot surasi 13 oyat).
Shuningdek yana bir jihat, erkak va ayollarga xitob qilingan Qur’oni karimning “Ahzob” surasining 35 oyati alohida e’tiborga molik:
اِنَّ الْمُسْلِمٖينَ وَالْمُسْلِمَاتِ وَالْمُؤْمِنٖينَ وَالْمُؤْمِنَاتِ وَالْقَانِتٖينَ وَالْقَانِتَاتِ وَالصَّادِقٖينَ وَالصَّادِقَاتِ وَالصَّابِرٖينَ وَالصَّابِرَاتِ وَالْخَاشِعٖينَ وَالْخَاشِعَاتِ وَالْمُتَصَدِّقٖينَ وَالْمُتَصَدِّقَاتِ وَالصَّٓائِمٖينَ وَالصَّٓائِمَاتِ وَالْحَافِظٖينَ فُرُوجَهُمْ وَالْحَافِظَاتِ وَالذَّاكِرٖينَ اللّٰهَ كَثٖيراً وَالذَّاكِرَاتِ اَعَدَّ اللّٰهُ لَهُمْ مَغْفِرَةً وَاَجْراً عَظٖيماً