Қишлоқ қурилиш банк

Жавоб: 2019 йил, 27 июнь куни.

	Ўзбекистон Республикаси Президентининг “Оммавий ахборот воситалари мустақиллигини таъминлаш ҳамда давлат органлари ва ташкилотлари ахборот хизматлари фаолиятини ривожлантириш бўйича қўшимча чора-тадбирлар тўғрисида”ги қарорига мувофиқ, ахборот хизматларининг асосий вазифалари нималардан иборат? Жавоб: давлат органлари ва ташкилотлари фаолияти ҳақида оммавий ахборот воситалари, ижтимоий тармоқлар, давлат органлари ва ташкилотларининг расмий веб-сайтлари, шунингдек, бошқа ахборот ресурслари орқали, шу жумладан матбуот анжуманлари, брифинглар, медиатурлар ташкил этиш йўли билан аҳолига мунтазам, тўлиқ ва тезкор равишда ахборот тақдим этиб бориш; давлат органлари ва ташкилотларида мамлакатимизнинг ижтимоий-сиёсий ва социал-иқтисодий тараққиёти жараёни ҳақида ахборот бериш ва ёритиш бўйича чора-тадбирлар ишлаб чиқиш ва амалга ошириш; давлат органлари ва ташкилотларининг ижобий имижини шакллантириш ва илгари суриш, ижтимоий сўровлар ўтказиш ва бошқа шаклларда жамоатчилик фикрини ўрганиш ва ҳ.к.
	Давлат, нодавлат ва жамоат ташкилотлари билан банклар, умуман тижорий ташкилотлар ахборот хизматлари ўртасида фарқ борми? Бўлса, бу қайси жиҳатларда кўринади? Жавоб: Давлат ташкилотлари, вазирлик ва идоралар, бошқарув органлари фаолиятининг асоси, Давлат дастурлари ва бошқа мақсадли дастурлар ижросини таъминлашдан иборат. Бу ҳақдаги норматив-ҳуқуқий хужжатларда давлат тасарруфидаги оммавий ахборот воситалари зиммасига ҳам тегишли тартибда вазифалар юкланади. Бу эса, мунтазам равишда ўзаро ахборот алмашинувни тақозо этади. Банк, суғурта идоралари ёки бошқа тижорий ташкилотлар, корхоналар эса, ўз хизмат ва товарларини кенг оммага таклиф этгани боис, маълумотлар реклама хусусиятига эга. Бу эса, қонунчилик билан таъқиқланмаган талаблар асосида шартнома тузиш заруратини, яъни реклама муносабатини юзага келтиради. Демак асосий вақт, тижорий ташкилотлар ўз иқтисодий мақсадларидан келиб чиқиб, эҳтиёжини инобатга олган ҳолда ОАВга материал жойлаштиради. Яъни, реклама учун маблағ ўзини оқлашига ишонч ҳосил қилинганида ажратилади. Ахборот хизмати ходими буни инобатга олиши лозим. Ҳар қандай шароитда ОАВ вакиллари билан мунтазам алоқани ушлаб туриши талаб этилади.