Қишлоқ қурилиш банк

Очиқ валюта позицияси ўзгаришига таъсир қилувчи операциялар қайсилар?
Жавоб: чет эл валютасини сотиб олиш ва сотиш;
чет эл валютасидаги даромадларни ҳисоблаш;
чет эл валютасидаги харажатларни ҳисоблаш;
ҳисоб-китобларни амалга ошириш усули ва шаклидан қатъий назар чет эл валютасидаги ҳосилавий (дериватив) молиявий воситалари (фьючерс, форвард, своп, опционлар ва бошқалар) билан боғлиқ операцияларни амалга ошириш натижасида чет эл валютасида юзага келувчи талаб ва мажбуриятлар;
чет эл валютасида амалга ошириладиган бошқа операциялар (чет эл валютасида харид қилинган активлар ҳамда валюта қимматликлари билан боғлиқ бошқа битимлар, башарти ушбу битимлар шартларига мувофиқ у ёки бу кўринишда чет эл валютаси айирбошланиши (конверсияси) кўзда тутилган бўлса).

	Аккредитив тўлов нима ва амалга ошириш жараёнини тушинтириб беринг? Жавоб: Аккредитив – бу мижоз (Аппликант) топшириғи билан аккредитивни очган банк (Банк-эмитент) томонидан воситачи банк (Ижро этувчи банк) орқали маблағларни олувчи ёки у кўрсатган шахс (Бенефициар) тегишли ҳужжатларни тақдим этганда ва тўлов шаклида назарда тутилган бошқа шартларни бажарган тақдирда тўловларни амалга ошириши тўғрисидаги мажбуриятдир. Аккредитив амалиётини бажаришда 3 та банк (эмитент, ижро этувчи ва авизоловчи банклар) қатнашади. Маблағларни олувчи (Бенифицар)га хизмат кўрсатувчи, аккредитивни очилганлиги ва шартлари тўғрисида хабарни етказувчи банк авизоловчи банк деб аталади. Аккредитивни ижро этишда банк-эмитент ёки авизоловчи банк бир вақтнинг ўзида ижро этувчи банк сифатида ҳам қатнашиши мумкин.
	Аккредитивнинг қандай турларини биласиз? Жавоб: Аккредитивнинг: 1) чақириб олинадиган ва чақириб олинмайдиган; 2) тасдиқланган ва тасдиқланмаган; 3) ўтказмали (трансферабель); 4) қайта тикланадиган (револьвер); 5) қопланган ва қопланмаган аккредитив ва ҳакозо турлари мавжуд.