Қишлоқ қурилиш банк

Кассада ўтказилаётган тафтиш қайси ҳолатда Бош банк буйруғи асосида амалга оширилади?
Жавоб: филиал раҳбари алмашаётганида ёки вақтинча алмашаётганида тафтиш ўтказиш Бош банк буйруғига асосан амалга оширилиши шарт.

	Бош банк томонидан қанча муддатда филиалларда касса ишлари текширилиши зарур? Жавоб: Бош банк томонидан бир йилда камида бир маротаба ўз тасарруфидаги банк филиалларида касса ишини ташкил этилиши ва касса операцияларини бажаришда йўриқнома талабларига риоя этилиши текширилиши лозим.
	Қандай ҳолларда кассада чоракли тафтишни ўтказмаслик мумкин? Жавоб: Марказий банк ёки Бош банк ходимлари томонидан филиалда нақд пул ва бошқа қимматликларнинг бут сақланиши бўйича тафтиш ўтказилган бўлиб, касса операцияларини бажариш борасидаги ишларни қониқарли аҳволда эканлиги тасдиқланса, ушбу чоракда такроран чоракли тафтиш ўтказилмаслиги мумкин.
	Кассада ўтказиладиган тафтишлар далолатномаси қандай расмийлаштирилади ва қаерда сақланади? Жавоб: Ўтказилган тафтиш натижалари бўйича «Хизмат доирасида фойдаланиш учун» грифи қўйилган далолатнома тузилиб, бош бухгалтернинг сейфида, алоҳида йиғмажилдда сақланиши шарт.
	Қайси ҳолларда филиал кассадаги нақд пул ва бошқа қимматликлар тўлиқ, бирма-бир ва доналаб қайта саналиши шарт? Жавоб: Банкнинг раҳбари, бош бухгалтери ёки касса мудири эгаллаб турган лавозимидан озод этилганида, кассадаги нақд пул ва бошқа қимматликлар тўлиқ, бирма-бир ва доналаб қайта саналиши шарт.