Қишлоқ қурилиш банк

Банк қайси ликвидлилик кўрсаткичларни бажаришлари лозим?
Жавоб: Банклар мажбуриятларининг ўз вақтида ва тўлиқ бажарилишини таъминлаш мақсадида лаҳзали ликвидлилик, ликвидлиликни қоплаш, соф барқарор молиялаштириш ва юқори ликвидли активларининг жами активлардаги улушига ўрнатилган меъёрларни бажаришлари лозим.

	Лаҳзали ликвидлилик коэффициенти тушунчаси? Жавоб: Лаҳзали ликвидлилик коэффициенти банк кассасидаги нақд пул ва бошқа тўлов ҳужжатлари, Ўзбекистон Республикаси Ҳукуматининг ва Марказий банкининг қимматли қоғозлари ҳамда банкнинг Ўзбекистон Республикаси Марказий банкидаги ҳисобварақларидаги маблағлари (бундан Марказий банкдаги мажбурий захира ҳисобварағидаги маблағлар мустасно) суммасини талаб қилиб олингунча мажбуриятлар суммасига нисбати орқали аниқланади. • Лаҳзали ликвидлилик коэффициентини ҳисоблашда фақат Ўзбекистон Республикаси миллий валютасидаги маблағлар инобатга олинади. • Лаҳзали ликвидлилик коэффициенти 25 фоиздан кам бўлмаслиги лозим.
	Ликвидлиликни қоплаш меъёри коэффициенти тушунчаси Жавоб: Ликвидлиликни қоплаш меъёри коэффициенти юқори ликвидли активларнинг кейинги 30 кун ичидаги жами соф чиқимга нисбати сифатида аниқланади (ЛҚМК=юқори ликвидли активлар/кейинги 30 кун ичидаги жами соф чиқим). Кейинги 30 кун ичидаги кирим кейинги 30 кун ичидаги чиқимнинг 75 фоизидан ошган тақдирда, кейинги 30 кун ичидаги кирим сифатида кейинги 30 кун ичидаги чиқимнинг 75 фоизи олинади. Кейинги 30 кун ичидаги кирим ва чиқимнинг қайта ҳисоблаш коэффициенти Марказий банк томонидан ўрнатилади ва мажбуриятларнинг тури ва муддатига боғлиқ бўлади. ЛҚМК 100 фоиздан кам бўлмаслиги лозим. Ушбу кўрсаткич барча валюталарда; миллий валютада; хорижий валюталарда (барча хорижий валюталарнинг йиғиндиси) таъминланиши шарт.