Қишлоқ қурилиш банк

Банк фаолиятидаги рискларни бошқаришни ташкил этишдан асосий мақсад?
Жавоб: Банк фаолиятидаги рискларни бошқаришни ташкил этишдан асосий мақсад:
- банк омонатчилари ва кредиторлари, акциядорлари манфаатларини ҳимоя қилиш;
- банк таваккалчиликларини камайтириш, бартараф этиш ва олдини олиш;
- банк фаолиятининг етарли даражадаги барқарорлигини таъминлаш.

	Кредит риски бўйича иқтисодий меъёрлар? Жавоб: Кредит риски бўйича иқтисодий меъёрларга қуйидагилар киради: - банкнинг бир қарз олувчи ёки ўзаро алоқадор қарз олувчилар гуруҳи учун таваккалчиликнинг энг кўп миқдори банк биринчи даражали капиталининг 25 фоизидан; - банкнинг бир қарздор ёки ўзаро алоқадор қарздорлар гуруҳига тўғри келувчи таъминотсиз (ишончга асосланган) кредит, шунингдек факторинг хизматлари учун таваккалчиликнинг энг кўп миқдори банк биринчи даражали капиталининг 5 фоизидан; - банкнинг барча йирик таваккалчиликларининг умумий миқдори банк биринчи даражали капиталининг 5 баробаридан; - банкка алоқадор битта шахсга тўғри келувчи таваккалчиликнинг энг кўп миқдори банк биринчи даражали капиталининг 25 фоизидан; - банкка алоқадор бўлган барча шахсларга тўғри келувчи таваккалчиликнинг энг кўп миқдори банк биринчи даражали капиталининг 50 фоизидан ошмаслиги лозим.
	Ликвидлилик риски меъёрлари нима? Жавоб: - ликвидлиликни қоплаш меъёри коэффициенти-мин.100%; - соф барқарор молиялаштириш меъёрини-мин.100%. - юқори ликвидли активлари жами активлардаги улуши кун охирига 10 фоиз миқдоридан кам бўлмаслиги лозим
	Капитал риски меъёрлари нима? Жавоб: - Банк I даражали капиталининг миқдори банк устав капиталининг энг кам миқдоридан кам бўлмаслиги лозим; - Регулятив капиталнинг таваккалчиликни ҳисобга олган ҳолдаги активларнинг умумий суммасига нисбати 13 фоиздан кам бўлмаслиги керак - Капиталнинг консервация буфери таваккалчиликни ҳисобга олган ҳолдаги барча активларнинг 3,0 фоизи сифатли I даражали капитал бўлишини ҳисобга олган ҳолда К2 коэффициенти 0,10 (10,0 фоиз) миқдоридан кам бўлмаслиги лозим. - I даражали асосий капиталнинг монандлик коэффициенти К3 нинг энг кичик даражаси 0,08 (8,0 фоиз) миқдоридан кам бўлмаслиги лозим. - Левераж коэффициентининг энг кичик даражаси 0,06 (6 фоиз)га тенг.