Қишлоқ қурилиш банк

Электрон рақамли имзо нима?
Жавоб: Ўзбекистон Республикаси Марказий банкининг 17.01.2006 йилдаги №632-сонли Низомининг электрон хужжатдаги мазкур электрон хужжат ахборотини электрон рақамли имзонинг ёпиқ калитидан фойдаланган холда махсус ўзгартириш натижасида хосил қилинган хамда элетрон рақамли имзонинг очиқ калити ёрдамида электрон хужжатдаги ахборотда хатолик йўқлигини аниқлаш ва электрон рақамли имзо ёпиқ калитнинг эгасини идентификация қилиш имкониятини берадиган имзо.

	Киберхавфсизлик дегани нима? Жавоб: Бу техник жараёнларга оид бўлиб оддий фойдаланувчи учун почта, ижтимоий тармоқлар, тўлов тизимларида ишончли ва мустаҳкам паролларни ўрнатиш хамда вирусдан ҳимоялаш, мобил иловалар ва қурилмаларнинг ҳимояси, маълумотлар конфиденциаллигини сақлаш, уларнинг бутунлигини ҳимоялаш, у ёки бу сайт, илова дастурини тўлақонли ишлашини англатади.
	Ўзбекистон Республикасининг “Автоматлаштирилган банк тизимида ахборотни мухофаза қилиш тўғрисида”ги Қонуннинг мақсади нималардан иборат? Жавоб: Ўзбекистон Республикасининг 04.04.2006 йилдаги №ЎРҚ-30-сонли қонунинг 1,4-моддаларига асосан автоматлаштирилган банк тизимида ахборотни муҳофаза қилиш соҳасидаги муносабатларни тартибга солишдан иборат. Автоматлаштирилган банк тизимида ахборотни муҳофаза қилиш қуйидаги мақсадларда амалга оширилади: банкларнинг ахборот хавфсизлигини таъминлаш ва банк сирини муҳофаза қилиш, ахборотнинг тарқалиб кетиши, ўғирланиши, йўқотилиши, бузиб талқин этилиши, тўсиб қўйилиши, қалбакилаштирилиши ва ундан ўзгача тарзда рухсатсиз фойдаланиши, шунингдек нусха олинишининг хамда автоматлаштирилган банк тизимига бошқача шаклдаги аралашувларини олдини олиш.