Қишлоқ қурилиш банк

Шанба, якшанба ва байрам кунлари банк биносига кириб чиқиш тартиби қандай?
Жавоб:^{Банк ходимлари ва мижозлар байрам ва дам олиш кунлари банк ҳудудига кириш зарурати бўлганда, бинога кириб-чиқиш белгиланган рухсатнома ёки банк Бошқарувчиси томонидан тасдиқланган буйруғи ёки рўйхати асосида амалга оширилади. Тадбир ва йиғилиш ўтказиш муносабати билан банк биносига бир гуруҳ мижозлар ёки шахслар таклиф этилган холларда, ушбу тадбирни ўтказаётган бўлинма томонидан рўйхат тузилиб,} банк хавфсизлиги бўйича масъул ходим ^{билан келишилади, раҳбар имзоси билан тасдиқланиб, нусхаси қўриқлаш хизмати постига берилади. Тадбир қатнашчилари уларни шахсларини тасдиқловчи ҳужжат (паспорт, вақтинчалик яшаш рухсатнома, хизмат гувоҳномаси) кўрсатгандан кейингина бинога киритилади.}

	Мухандислик-техник қўриқлаш воситаларига нималар киради? Жавоб: Ўзбекистон Республикаси Марказий банкининг 31.07.2010 йилдаги №2128-сонли Қарорида кўрсатилган хар хил турдаги тўсиқлар, қўриқлаш постларининг мухандислик қурилмалари, металл ва бронь эшиклар, дарвозалар, панжаралар, химоя ойналари, металл пардалар, барьерлар, моддий бойликлар сақланадиган ва бошқа хоналар эшикларидаги механик, электромеханик ва электрон ёпиш қурилмалари, ёритиш чироқлари, одамлар ва автотранспорт воситаларини ўтказиш бўйича назорат-ўтказиш пунктларининг механизация ва автоматизация воситалари, банк биносига кириб-чиқишни таъминлаш функциясига эга пост қурилмалари хамда банкни, ундаги бойликларни ва ходимларни қўриқлашни кучайтиришга қаратилган қурилмалар.
	Банк биноси неча зонадан иборат? Жавоб: Ўзбекистон Республикаси Марказий банкининг 23.06.1993 йилдаги №42-сонли қоидасига асосан 3та зонадан иборат бўлиб, биринчи худуд-банк ходимлари ва мижозларнинг кириб-чиқиш хоналари (ахборот-маълумот зали, амалиёт зали, кредит бўлими ^бошланғич маслаҳат берувчи тегишли бўлинма хоналари жойлашган ҳудуд (фронт офис)ва бошқалар, иккинчи худуд-муайян доирадаги ходимларнинг кириб-чиқишига рухсат этилган хоналар (амалиёт бўлими, касса хоналари), учинчи худуд-банкнинг қатъий равишда белгиланган мансабдор шахслари кириб-чиқиши мумкин бўлган хоналар (пул омбори, махфий хужжатлар сақланадиган хоналар, инкассация қуроллари сақланадиган хона ва бошқалар.