Қишлоқ қурилиш банк

Қарорга мувофиқ банк соҳасида амалга оширилиши белгиланган вазифалар нималардан иборат?
Жавоб: Тижорат банклари фаолиятини мониторинг қилиш самарадорлигини ошириш ва улар томонидан тартибга солиш талаблари (SubTech ва RegTech) бажарилишини соддалаштириш, шунингдек, банк хизматлари кўрсатиш сифатини таҳлил қилиш, фойдаланувчиларни масофадан биометрик идентификациялаш (Face-ID) ва кредит таваккалчиликларини баҳолаш учун сунъий интеллект технологияларини қўллаш.

	Овозли биометрия ва инсон нутқини таниш технологик ечимларини жорий этишнинг амалга ошириш механизми нималардан иборат? Жавоб: 1. Лойиҳани амалга оширишнинг молиявий ва техник масалаларини ишлаб чиқиш. 2. Овозли биометрия ечимини АТ «Алоқабанк» алоқа маркази билан интеграциялаш (тажриба-синов лойиҳа). 3. Нутқни таниш технологик ечимини давлат тили нуқтаи назаридан маҳаллийлаштириш.
	Электрон давлат ва молия хизматларини кўрсатишда фойдаланувчиларни масофадан туриб биометрик идентификациялаш (Face-ID) учун сунъий интеллект технологияларини қўллашнинг механизми ҳақида гапириб беринг! Жавоб: 1. Лойиҳа-техник ҳужжатини ишлаб чиқиш ва уни белгиланган тартибда келишиш. 2. Дастурий таъминот ва аппарат-дастурий комплекслари ишлаб чиқарувчи ва интеграторини аниқлаш. 3. Биометрик маълумотлар бўйича жисмоний шахсларни идентификация қилишнинг Ягона биометрик тизими (ЯБТ)ни ишлаб чиқиш ва тажриба-синов лойиҳасини жорий этиш.
	Рақамли банк деганда нимани тушунасиз? Жавоб: Банкларни рўйхатга олиш ва улар фаолиятини лицензиялаш тартиби тўғрисида низомнинг биринчи бандига киритилган ўзгаришга мувофиқ 1-банднинг учинчи хатбоши тўлдирилди яъни: «рақамли банк - инновацион банк технологияларидан фойдаланган ҳолда (касса хизматини кўрсатмасдан) банк хизматларини масофавий кўрсатувчи банк ёки унинг таркибий бўлинмаси. Рақамли банклар томонидан банк хизматларини масофавий кўрсатиш банкнинг ички тартибларига асосан қонун ҳужжатлари талабларини инобатга олган ҳолда амалга оширилади.