Қишлоқ хўжалик экинларини зараркунандалари, касалликлари ва уларга қарши кураш чоралари

мозаикаси
4.19-расм. Помидорнинг жуфт 
стрик касаллиги

---

30
• Иложи борича уруғни бевосита далаларга экиш; Картошка экинлари ёки туганаклари билан 
ишлагандан сўнг помидор экинлари ичига кирмаслик; Помидор туп сонини ошириш тавсия 
қилинади. 
Иссиқхоналарда:
• Чидамли навлар экиш; 
• Экишдан олдин уруғни 70оС да 4 кун давомида, ёки калий перманганатнинг 1% эритмаси 
билан 20 дақиқа давомида зарарсизлантириш (ва сув билан яхшилаб ювиш); 
• Уруғларни оғирлиги бўйича саралаш (калибровка қилиш) – ош тузининг 5% ли эритмасига 
солиб 3 дақиқа давомида аралаштириш, устига чиққанларини дока билан олиб ташлаш, 
чўкканларини сув билан бир неча марта ювиш, дорилаш ва қуритиш; 
• Ниҳол етиштириш жараёнида 2 марта (кўчат қилиш – пикировка ва доимий жойларга экиш 
пайтида) ёғи олинган сут (обрат) нинг 10% эритмаси билан профилактик ишлов бериш;
• 2-3 марта калий перманганатнинг 0,05% эритмаси билан суғориш; 
• Кўчириб экишдан 1 ҳафта олдин бор кислотасининг 0,1% эритмасини, 0,15-0,3 л/м2 меъёрида 
пуркаш.
 Помидорнинг вирус ва микоплазма касалликларига кураш чоралари
• Ниҳоллар куймаслиги учун барча ишловлар куннинг иккинчи ярмида ўтказилади.
• Доимий жойга кўчириб эккандан 10-15 кун сўнг ниҳолларга бор кислотасининг 0,1% эритмасини 
0,15-0,3 л/м2 меъёрда ҳамда ёғи олинган сутнинг 10% эритмасини 2-3 марта, 7-10 кун оралатиб 
пуркаш ТМВга чидамлиликни оширади. 
• Экинни ҳар ҳафтада текшириб, вирус билан зарарланганларини эҳтиёткорлик билан юлиб, 
чиқариб йўқотиш, сўнгра қўлларни яхшилаб ювиш лозим. 
• Ишчилар ишдан олдин қўлларини совун билан ювишини таъминлаш, ҳар бир иш битгач, асбоб-
ускуналарга буғ билан ишлов бериш. 
• Помидор туп сонини ошириш талаб этилади. 
• Тупроқдаги ўсимлик қолдиқларидаги ТМВ инфекциясини йўқотиш деярли мумкин эмас, аммо 
помидорни ҳар 3 йилда бир марта экиш орқали ёки тупроқни буғ билан зарарсизлантириш 
ёрдамида унинг миқдорини камайтириш мумкин. Буғ билан ишлов берилганда илдизнинг 
каттароқ (диаметри 0,5 см ва ундан катта) қисмлари етарлича қизимайди ва унинг ичидаги 
вирус нобуд бўлмайди. Бундай ҳолда вирусни нобуд қилиш учун 100оС тупроқ ҳароратини 10 
мин давомида ушлаб туриш тавсия қилинади. 
• ТМВ билан кураш чоралари жуфт стрикка қарши деярли самара бермайди. Бунинг учун 
картошка Х-вирусининг манбаини аниқлаб, у иссиқхоналарга кирмаслигини таъминлаш лозим; 
бу манбаалар иссиқхонада тасодифан ўсаётган картошка, картошка далаларида (мисол учун, 
ўз томорқаларида) ишлаб келган ишчиларнинг иш кийимлари бўлиши мумкин. 
• Ҳар ҳафта сўнгида экинларни текшириб, стрик чизиқчалари мавжуд бўлганларини эҳтиёткорлик 
билан юлиб, чиқариб йўқотиш, сўнгра иш кийимларини алмаштириш, қўлларни совун ва чўтка 
билан 3 марта яхшилаб ювиш лозим.

---

31