Қишлоқ ХЎжалиги корхоналарини таркибий қайта тузиш агентлиги

 
21. СУТ КОНСЕРВАЛАРИ СИФАТИГА ҚЎЙИЛАДИГАН ДАВЛАТ 
СТАНДАРТИ ТАЛАБЛАРИ 

---

72 
Сут консервалари фойдаланиладиган хом ашё, материаллар ва тайёрлаш 
усулига кўра қуйидаги турларга бўлинади: 
-қуюлтирилган сут консервалари: шакар билан қуюлтирилган қаймоғи 
олинмаган сут; шакар билан қуюлтирилган ёғсиз сут; банкалардаги 
қуюлтирилган стерилизацияланган сут; шакар билан қуюлтирилган қаймоқ;
какао қуюлтирилган сут ва шакар билан; кофе қуюлтирилган сут ва шакар 
билан; табиий кофе қуюлтирилган қаймоқ ва шакар билан; 
-қуруқ сут махсулотлари: қуритилган қаймоғи олинмаган сут; қуритилган 
ёғсизлантирилган қуруқ сут; қуруқ сут кислотали махсулотлар; кўкрак ёшидаги 
болалар учун қуруқ сут; болалар овқатланиши учун ярим ёғли қуруқ сут; қуруқ 
қаймоқ; қуруқ қаймоқ шакар билан; музқаймоқ учун қуруқ аралашмалар; қуруқ 
юқори ёғли қаймоқ; тез эрувчан қуруқ сут.
Шакар билан қуюлтирилган сут консервалари органолептик кўрсаткичлари 
бўйича ўзга таъм ва хидларсиз, ширин, тоза, яққол намоён бўлган пастерланган 
сут ёки қаймоқ (шакар билан қуюлтирилган қаймоқ учун) таъмига эга бўлиши 
лозим. Енгилгина озиқа таъмини мавжуд бўлишига йўл қўйилади. 
Тўлдирувчилар солинган консервалар учун табиий кофе, кофели ичимлик ёки 
какаони яхши намоён бўлган таъми ва хиди ҳос. Ёғсиз консервалар учун 
етарлича намоён бўлмаган таъмни мавжуд бўлишига йўл қўйилади. 
Консистенцияси органолептик сезиладиган лактоза кристалларисиз массаси 
бўйича бир жинсли бўлиши керак. Кучсиз унсимон консистенцияни мавжуд 
бўлишига йўл қўйилади. Ранги массаси бўйича бир ҳил оқ кремли тусда. Ёғсиз 
консервалар учун кўкимтир тус, тўлдирувчилар солинган консервалар учун тўқ 
жигар рангни мавжуд бўлишига рухсат этилади.
Физик – кимёвий кўрсаткичлари бўйича консервалар 5.9 - жадвалда 
келтирилган талабларга жавоб бериши керак.