Ishlatish joylari keltirilgan

Zich silikat beton sementsiz beton bo‘lib, bog‘lovchi sifatida ohak ishlatiladi. Silikat betonlar avtoklavda qotirib tayyorlanadi. Silikat betonlar og‘ir betonlar turiga kiradi. To‘ldiruvchi sifatida asosan kvarsli qum ishlatiladi. Silikat betonlar armatura bilan yaxshi yopishadi
va armaturani korroziyadan saqlaydi. Boshlang‘ich elastiklik moduli bir xil mustahkamlikka ega bo‘lgan betonlarga nisbatan 1,5–2 marta kam. Kam oquvchanlikka ega. Binolarning yig‘ma temirbeton elementlarini tayyorlashda foydalaniladi.
Ekspluatatsiya sharoitlari noqulay (dinamik va seysmik yuklarning ta’siri va boshqalar) bo‘lganda qo‘llash chegaralanadi.
Issiqqa chidamli beton yuqori haroratli (200 ⁰S) sharoitda ishlatish uchun qo‘llaniladi. Qizdirish haroratining bosqichidan bog‘liq holda bog‘lovchi sifatida alyumin oksidli sement, portlandsement qo‘shimchalar bilan suyuq shisha (silikatli natriyning suv bilan qorishmasiga yanchilgan kvars qumi va kremneftoritnatriyning qo‘shilmasi) qo‘llaniladi.
Issiqqa chidamli to‘ldiruvchi sifatida: xromit, shamot, shlak, bazalt, diabazdan foydalaniladi.
Betonning elastiklik moduli haroratning oshishida kamayadi. Tunnel pechlari issiqlik agregatlari, domna pechi fundamentlari konstruksiyalarida qo‘llaniladi.
Kislotaga chidamli beton agressiv muhit (tarkibida kislota mavjud bo‘lgan suv va tarkibida kislota bug‘i bo‘lgan havo muhiti) sharoitiga chidamli betondir. Kislota konsentratsiyasi darajasiga qarab bog‘lovchi sifatida putssolanli portlandsement, shlakli portlandsement, suyuq shisha qo‘llaniladi. Er osti inshootlari, kimyo sanoati sexlarining shiftini yopish konstruksiyalarida qo‘llaniladi.
Polimerbeton. Polimerbeton uchun bog‘lovchi sifatida polimer materiallar (turli emulsiya, smola) ishlatiladi. Polimerbetonning siqilishga va cho‘zilishga qarshiligi, armatura bilan bog‘lanish mustahkamligi, agressiv muhitga chidamligi yuqori hisoblanadi.
Sementli bog‘lovchi asosida tayyorlangan beton, keyinchalik temirbeton elementlarda, maxsus texnologiya bo‘yicha polimer materiallar bilan shimdirib ishlov berilsa betonopolimer deb ataladi. Ular bosimi kuchli trubalar, yo‘l plitalari, to‘sinlar, rigellar tayyorlashda qo‘llaniladi.

9.