Ishlabchiqarishda boshqaruv fakulteti «buxgalteriya hisobi va audit» kafedrasi

3-MAVZU. BUXGALTERIYA BALANSI

Mavzuga doir atamalar: balans, texnologik balans, iqtisodiy balans, balans qismlari, balans bo‘limlari, aktiv, passiv, aktivlar, uzoq muddatli aktivlar, joriy aktivlar, passivlar, uzoq muddatli qarzlar, uzoq muddatli kreditlar, qisqa muddatli kreditlar, qisqa muddatli qarzlar balans moddasi, majburiyatlar.
4-ma’ruza: Balans haqida tushuncha

Reja:

1. “Balans” tushunchasi va uning iqtisodiy ahamiyati.

2. Buxgalteriya balansining tuzilishi va mazmuni.

3. Balans moddalari va ularni o’qish tartibi. Xo’jalik jarayonlari va xo’jalik muomalalari to’g’risida tushuncha.
Pedogogik texnologiya: Aqliy hujam.
1.Xalq xo’jaligi balanslari haqida tushuncha. Balans fransuzcha so‘zi bo‘lib tarozi, ya’ni tenglik ma’nosini bildiradi.


8-chizma. Balans ma’nosini ifodolovchi belgi.
Balans sodir bo‘ladigan voqealiklarga, ularning alohida tomonlarini (jihatlarini) bir-biriga qarshi qo‘yish yoki solishtirish yo‘li bilan baho berish tizimidir.

Takror ishlab chiqarish jarayonini aks ettirishi bo‘yicha iqtisodiyot tarmoqlarida qo‘llaniladigan balanslar texnologik va iqtisodiy balanslarga bo‘linadi. Texnologik balanslar aniq turdagi mahsulotlarni ishlab chiqarishni va ularning iste’molini muvofiqlashtirish uchun xizmat qilib, mehnat resurslari, mehnat buyumlari (xom ashyo, yoqilg‘i, materiallar), mehnat qurollari (mashinalar, jihozlar, priborlar) hamda iste’mol buyumlari (oziq-ovqatlar, kiyim-kechaklar, poyafzallar) balanslaridan tashkil topadi. Texnologik balanslar natura shaklida tuziladi.