“ishlab chiqarishda buxgalteriya hisobi” kafedrasi

Iste’molchilik sarflari – aholi daromadlarining tirikchilik ne’matlari va xizmatlar uchun ishlatiladigan qismi.
Jamg‘arma – aholi, korxona (firma) va davlat joriy daromadlarining bir qismining kelajakdagi ehtiyojlarini qondirish va foizli daromad olish maqsadida tо‘planib borilishi.
Iste’molga о‘rtacha moyillik – shaxsiy daromadning iste’molga ketadigan ulushi.
Jamg‘armaga о‘rtacha moyillik – shaxsiy daromadning jamg‘arma ketadigan ulushi.
Iste’molga qо‘shilgan moyillik – shaxsiy daromad о‘sgan qismining iste’mol qilinadigan qismi yoki ulushi.
Jamg‘armaga qо‘shilgan moyillik – shaxsiy daromad о‘sgan qismining jamg‘armaga ketadigan hissasi.
Iqtisodiy jamg‘arish – milliy daromadning jamg‘arilgan qismidan asosiy va aylanma kapitallarni, shuningdek, ehtiyot va zaxiralarni kо‘paytirish uchun sarflanishi.
Jamg‘arish normasi – jamg‘arish fondining milliy daromadga nisbatining foizdagi ifodasi.
Kapital sarflar – asosiy kapitalni kengaytirish va uni qayta tiklashga, aylanma mablag‘larni kengaytirishga qilinadigan sarflar.
Investitsiyalar – ishlab chiqarishni va xizmat kо‘rsatish sohalarini kengaytirishga, ya’ni asosiy va aylanma kapitalni kо‘paytirishga, turli xil qimmatli qog‘ozlarni sotib olishga qilingan pul shaklidagi qо‘yilmalar.
Investitsion faoliyat – investitsiyalarni rо‘yobga chiqarish bо‘yicha qilinadigan amaliy harakatlar.
Investor – investitsiyalarni amalga oshiruvchi shaxs.
Investitsiyalar samaradorligi – milliy daromad (foyda) о‘sgan qismining investitsion sarflar summasiga nisbatining foizdagi ifodasi.
Takrorlash uchun savollar va topshiriqlar
1. Iste’mol, jamg‘arma va investitsiyalarning iqtisodiy mazmunini qisqacha ta’riflang.
2. Iste’mol va jamg‘armaning miqdorini aniqlovchi asosiy omillarini sanab kо‘rsating.
3. Jamg‘arish normasi qanday aniqlanadi? Unga qanday omillar ta’sir kо‘rsatadi?
4. Iste’molga va jamg‘armaga о‘rtacha moyillik deganda nimani tushunasiz? Iste’mol va jamg‘armaga qо‘shilgan moyillik qanday aniqlanadi?
5. Investitsiyalarga sarflarning darajasini qanday omillar belgilab beradi? Ularning qisqacha tavsifini bering.