Ishlab chiqarishda boshqaruv fakulteti

Soliq solinadigan baza
Soliq kodeksining 355-moddasiga muvofiq quyidagilar chegirib tashlangan holda hisoblab chiqarilgan yalpi tushum soliq solinadigan bazadir:
1) davlat qimmatli qog’ozlari bo’yicha daromadlar;
2) to’lov manbaida soliq solinadigan dividendlar va foizlar tariqasida olingan daromadlar;
3) dividendlar tariqasida olingan va qaysi yuridik shaxsdan olingan bo’lsa, o’sha yuridik shaxsning ustav fondiga (ustav kapitaliga) yo’naltirilgan daromadlar. Muassislar (ishtirokchilar) tarkibidan chiqilayotganda (chiqib ketganda) yoxud tugatilayotgan yuridik shaxsning mol-mulki imtiyoz qo’llanilganidan so’ng bir yil ichida uning ishtirokchilari o’rtasida taqsimlanganda ilgari soliq solinadigan bazadan chegirilgan daromadlarga to’lov manbaida umumiy asoslarda soliq solinadi;
4) hisobot yilida aniqlangan o’tgan yillardagi daromadlar. Mazkur daromadlarga ular qaysi davrda paydo bo’lgan bo’lsa, o’sha davrdagi qonun hujjatlariga muvofiq soliqlar va boshqa majburiy to’lovlar bo’yicha o’tkazilgan hisob-kitoblar inobatga olingan holda soliq solinishi kerak;
5) ko’p oborotli qaytariladigan taraning qiymati, agar uning qiymati tovarlarni (ishlar va xizmatlarni) realizatsiya qilishdan olingan tushumning tarkibiga ilgari kiritilgan bo’lsa;
6) mahsulot yetkazib beruvchilarning siylovi (skidka) tariqasida va asosiy vositalarni tugatishda ularning ilgari qayta baholashlardagi qiymatining kamayishi summasidan ortgan qismi hisobiga olingan boshqa daromadlar;
Soliq solinadigan baza Soliq kodeksining 356-moddasining birinchi qismida nazarda tutilgan chegirmalardan tashqari quyidagilar uchun kamaytiriladi:
2) lotereya o’yinlarini tashkil etish bo’yicha faoliyatni amalga oshirish doirasida yuridik shaxslar uchun - yutuq (mukofot) fondining summasiga, biroq tarqatilgan chi’talarga chiqqan yutuqlarning (mukofotlarning) umumiy summasidan ortiq bo’lmagan miqdoriga;
3) brokerlik tashkilotlari uchun - bitim summasidan birjaga o’tkaziladigan vositachilik yig’imi summasiga;
4) vositachilik, to’shiriq shartnomasi bo’yicha vositachilik xizmatlari ko’rsatuvchi yuridik shaxslar uchun - realizatsiya qilingan tovar ulushida tovarlarni import qilishda to’langan bojxona to’lovlari summasiga.
Yagona soliq to’lovi soliq solinadigan bazadan va belgilangan stavkalardan kelib chiqqan holda hisoblab chiqariladi.
Kalendar yil soliq davridir.
Yil choragi hisobot davridir.

O’zbekiston Respublikasi Prezidentining 2016 yil 27 dekabrdagi PQ-2699-sonli qaroriga 10-1-ilova