Ishlab chiqarish amaliyoti dasturi

3. Banklarda buxgalteriya hisobi ishlarini yuritish va buxgalteriya apparatini tashkil qilish tamoyillari bilan tanishish.
Ushbu mavzu bo’yicha talaba bank buxgalteriya apparatining tashkiliy tuzilishi bilan tanishadi va uning tarkibini tahlil qiladi, uning xodimlari bilan tanishadi, buxgalteriya apparati xodimlarining aniq vazifalarini o’rganadi hamda o’rganish natijasida jamlangan ma’lumotlar asosida xulosalar yozadi.
Ushbu mavzu bo’yicha ishlab chiqarish amaliyoti hisobotiga quyidagi hujjatlar ilova qilinadi:
1. Tijorat bank buxgalteriya apparatining tashkiliy tuzilishi.
2. Buxgalteriya apparati xodimlarining aniq vazifalari.
4. Buxgalteriya apparatini Front-ofis va Bek-ofislarining tuzilishi, asosiy vazifalarini o’rganish
Ushbu mavzu bo’yicha talaba bek-ofis va uning asosiy vazifasini o’rganadi, Front-ofis va uning asosiy vazifasi ko’rib chiqadi hamda o’rganish natijasida jamlangan ma’lumotlar asosida xulosalar yozadi.
Ushbu mavzu bo’yicha ishlab chiqarish amaliyoti hisobotiga quyidagi hujjatlar ilova qilinadi:
1. Bek-ofisning tuzilishi.
2. Front-ofisning tuzilishi.
5. Tijorat banklarda buxgalteriya hisobini yuritishda dasturiy ta’minoti va ulardan foydalanishning tahli
Ushbu mavzu bo’yicha talaba banklarda buxgalteriya hisobini yuritishda dasturiy ta’minoti ni o’rganadi va ulardan foydalanishning tahliliga oid xulosasini bildiradi. Internet-banking , Mobil bank , SMS-banking, MMS-banking, Home-banking asosida xizmatlar ko’rsatish bilan tanishadi hamda o’rganish natijasida jamlangan ma’lumotlar asosida xulosalar yozadi.
Ushbu mavzu bo’yicha ishlab chiqarish amaliyoti hisobotiga quyidagi hujjatlar ilova qilinadi:
1. Banklarda buxgalteriya hisobini yuritishda dasturiy ta’minoti;
2. Tijorat bankida innovatsion xizmat ko’rsatish holati.
IV. ISHLAB CHIQARISH AMALIYOTINI O‘TASH JARAYONIDA TALABANING MAJBURIYATLARI

Ishlab chiqarish amaliyotini o‘tash davrida talaba tijorat banki va uning hududiy bo‘limlarida o‘rnatilgan ichki ish tartibiga qat’iy rioya qilishi va bankning jamoat ishlarida faol ishtirok etishi kerak. Mehnat muhofazasi, xavfsizlik texnikasi va ishlab chiqarish sanitariyasi qoidalarini o‘rganishi va qat’iy rioya qilishi zarur.

Amaliyot o‘tayotgan talaba amaliyot dasturida ko‘rsatilgan barcha vazifalarni bajarishi, tijorat bankining yo‘riqnoma, xatlari va boshqa barcha huquqiy va me’yoriy hujjatlari, ulardagi so‘ngi o‘zgarishlar bilan tanishib borishi lozim. Dasturda keltirilgan operatsiyalarni amaliyot rahbari nazoratida mustaqil bajarishi va bu borada ko‘nikmalar hosil qilishi kerak.
Amaliyot davomida talaba institut dekanati tomonidan berilgan kundalikni yuritib, unda har kuni bajargan ishlarini yoritib borishi lozim. Kundalikda bajarilgan ishlar quyidagi shaklda yozib boriladi: