Ishlab chiqarish amaliyoti dasturi

II. ISHLAB CHIQARISH AMALIYOTI DAVRIDA TALABANING
ISH JOYI VA VAQTINING TAQSIMLANISHI

Ishlab chiqarish amaliyoti kafedrada belgilangan amaliyot rahbari tomonidan mazkur dasturga muvofiq ishlab chiqilgan, kafedra mudiri tomonidan tasdiqlangan kalendar ish rejasi asosida amalga oshiriladi. Amaliyot rahbari har bir amaliyotga chiquvchi talabaga va u borayotgan amaliyot ob’yektiga individual tarzda yondoshgan holda ishni tashkil etadi. Shuningdek, talabaning kalendar ish rejasi aniq, maqsadli va natijaga yo’naltirilgan bo’lishi lozim.

Ishlab chiqarish amaliyotining dastlabki kuni talabaga amaliyot joyidan rahbar biriktiriladi. Amaliyot joyidan biriktirilgan rahbar talabalarga ichki intizom to’g’risida qisqacha ma’lumot beradi.
Amaliyot davomida talaba dekanat tomonidan berilgan kundalikni yuritib, unda har kuni bajargan ishlarining qisqacha mazmunini yoritib borishi lozim. Har bir ish kunining oxirida amaliyot joyidagi rahbar talabaning kundalik daftariga o’z imzosini qo’yish orqali tasdiqlaydi.
Ishlab chiqarish amaliyoti asosan bankning bek-ofis, Front-ofis va kompyuterlashtirish bo‘limida o‘tkaziladi. Talabadan amaliyot o‘tish davomida amaliyot o‘tiladigan har bir ish o‘rniga oid amaldagi bank operatsiyalarining elektron dasturlari to‘g‘risidagi me’yoriy hujjatlarni va ularda foydalanilayotgan axborot-kommunikatsiya vositalarini boshqarish amaliyoti hamda bank dasturlari bilan tanishib chiqish talab etiladi.
Bundan tashqari, talabalar amaliyot yuzasidan o’zlarini qiziqtirgan masalalar bo’yicha institutdan tayinlangan ilmiy rahbari yoki kafedraning boshqa o’qituvchilaridan imkoniyatdan kelib chiqib, haftaning shanba kunlari kafedraga tashrif buyurish yoki aloqa vositalari (telefon, ijtimoiy tarmoqlar, elektron pochta) orqali murojaat qilib, qo’shimcha maslahatlar olishlari mumkin.
“Bank ishi” bakalavriat ta’lim yo’nalishida amaliyot o’tash uchun ajratilgan vaqtning mavzular bo’yicha taqsimlanishi quyidagi tartibda bo’lishi tavsiya etiladi: