Ishlab chiqarish amaliyoti dasturi

ISHLAB CHIQARISH AMALIYOTINING

MAQSAD VA VAZIFALARI

Ishlab chiqarish amaliyotining maqsadi 5230700-“Bank ishi” sirtqi fakultet bakalavriat ta’lim yo’nalishi talabalarining mutaxassislik fani bo’yicha o’zlashtirgan nazariy bilimlarini chuqurlashtirish va amaliyot bilan mustahkamlash, kasb layoqati va ko’nikmalarini shakllantirishdan iborat.

5230700-“Bank ishi” sirtqi fakultet bakalavriat ta’lim yo’nalishining DTS, o’quv va ishchi o’quv rejasiga muvofiq ishlab chiqarish amaliyoti muddati 3 kursning V semestri yakunlangandan so’ng 6 hafta qilib belgilangan.
Ushbu muddat ichida talabalar ishlab chiqarish amaliyotini O’zbekiston Respublikasi tijorat banklari bilan tuzilgan uzoq muddatli o’zaro hamkorlik to’g’risidagi shartnomaga muvofiq O’zbekiston Respublikasi tijorat banklari filiallarida o’taydilar.
Ishlab chiqarish amaliyotini o‘tkazishdan asosiy maqsad talabalarning bank faoliyati to’g’risida va operatsiyalardagi ma’lumotlarni axborot texnologiyalari dasturlari yordamida qabul qilinishi, jo’natilishiga oid olgan nazariy bilimlarini banklarda amaliyot ko‘nikmalari asosida mustahkamlash hamda amaliy jihatdan o‘zlashlashtirishdan iboratdir. Shuningdek, banklarda qo‘llanilayotgan axborot kommunikatsiya vositalaridan foydalanish, bank operatsiyalarini amaliy bank dasturida bajara olish, elektron hujjatlarni yaratish va ular asosida operatsiyalarni rasmiylashtirish, shuningdek, kredit, pul muomalasi, valyuta, kassa, buxgalteriya va boshqa bank bo‘limlarida foydalaniladigan maxsus bank dasturlaridan foydalanish asosida bank operatsiyalarini rasmiylashtirish hamda amalga oshirish tartiblarini yanada mukammal o‘zlashtirishlari ko‘zda tutilgan.
Ishlab chiqarish amaliyotining asosiy vazifasi tijorat banklarining faoliyati va ular tomonidan olib boriladigan operatsiyalarni me’yoriy hujjatlari va ularni axborot–kommunikatsiya vositalari orqali rasmiylashtirish, amalga oshirishni tashkil etilishi hamda ular asosida nazariy bilimlarini amaliyotga tadbiq etishni o‘rganishdan iboratdir. Shu bilan bir qatorda, amaliyot davrida talabalar bankning umumiy faoliyatida va jamoat ishlarida ham muntazam ishtirok etib, tegishli ko’nikmalarni o’zlashtirish nazarda tutiladi.