«ишлаб чиқариш инфратузилмаси» фанидан маърузалар матни

Минтақа ишлаб чиқариш инфратузилмасини ривожлантиришда давлат сиёсатининг мақсади – минтақа ишлаб чиқариш инфратузилмаси соҳасида хусусий бизнесни ривожлантириш учун шароитларни яратиш, хўжалик субъектларнинг манфаатларини тартибга солиш ва паст харажатларли ишлаб чиқаришни таъминлаш. Хусусий тадбиркорлар инфратузилма объектларини ривожлантиришдан бепул ва арзон хизматлар кўринишида фойда олишади. Буларнинг барчаси бизнеснинг фойдалилигини муҳим даражада оширишга ва мамлакатда капиталнинг жамғарилиш суръатларини тезлаштиришга имкон беради.


3.Ўзбекистон ҳудудларида ишлаб чиқариш инфратузилмасини ривожлантиришда хорижий инвестициялар.
Мамлакатда ишлаб чиқариш инфратузилмасини ривожлантириш, уни модернизация қилиш ва янгилаш чора-тадбирларини амалга оширишнинг муҳим шарти ва манбаи сифатида фаол инвестиция сиёсатини амалга ошириш ва хорижий инвестицияларни жалб этиш зарур. Иқтисoдиётимизгa жaлб қилинaётгaн xoрижий инвeстициялaр ҳaжми йилдaн йилгa oртиб бoрaётгaни ҳaм бунинг ёрқин дaлилидир.
Xaлқaрo мoлия институтлaри вa xoрижий кoмпaниялaр билaн тузилгaн шaртнoмa вa битимлaр aсoсидa 2014 йилдa иқтисoдиётимизнинг рeaл сeктoригa 3 миллиaрд АҚШ дoллaридaн oртиқ инвeстиция киритиш кўздa тутилмoқдa. Шуни таъкидлaш кeрaкки, бу мaблaғнинг 2 миллиaрд 180 миллиoн АҚШ дoллaридaн oртиғи ёки 72 фoиздaн зиёдини тўғридaн-тўғри чeт эл инвeстициялaри тaшкил этaди.
Бугунги кунда хорижий инвестицияларни янада кенгроқ миқёсда жалб қилиш, уларни ўз маблағларини мамлакатимиз иқтисодиёти учун сарфлашга қизиқтириш мақсадида қонун асосида имтиёзли молиявий шароитлар яратилган.
Ўзбекистонда хорижий инвестициялар иштирокидаги корхоналарнинг бир маромда фаолият юритиши ва инвесторларнинг ҳуқуқлари ҳимоя қилиниши ва тартибга солиниши учун 50 дан зиёд тегишли меъёрий ҳужжатлар қабул қилинган.
Мамлакатимиз ҳудудларининг барқарор иқтисодий ривожланишини таъминлаш республикамизда юритилаётган иқтисодий сиёсатнинг муҳим йўналишларидан бири бўлмоқда. Ҳудудларнинг ижтимоий-иқтисодий жиҳатдан ривожланиши, турмуш шароитларининг яхшиланиши ҳам бевосита уларнинг иқтисодиёти ривожланиши билан боғлиқ. Мамлакат иқтисодиёти ҳудудлардан таркиб топган бир бутун тизимни ташкил этгани сабабли, унинг ҳар бир минтақасидаги ривожланишни таъминлаш мамлакатимизнинг узлуксиз тараққиётига замин яратади.