Ыщчыорова Фарангиз

Битирув малакавий ишнинг илмий фарази. Бизнинг тахминимизча, оилавий низоларнинг сабаби ёшлар психологиясида оила ҳақидаги тасаввурларнинг адекват шаклланмаганлигида, шунинг учун талаба ёшларнинг оилавий ҳаёт ҳақидаги ижтимоий-психологик тасаввурлари ажримларнинг олдини олишни таъминлайди.
Битирув малакавий ишнинг методлари.
1. Ёшларнинг оилавий ҳаёт ҳақидаги тасаввурларини ўрганиш мақсадида кузатиш ва суҳбатлар ўтказиш.
2. Ёшларнинг оилавий ҳаёт ҳақидаги фикрларини ўрганиш учун анкета сўровидан фойдаланиш.
3. Ёшларнинг оилавий ҳаётини ўрганиш учун «Оилангизда низолар мавжудми?» тестини ўтказиш.
4.Ёшларни оилавий ҳаётга тайёрлаш мақсадида ижтимоий тренингларни татбиқ этиш.
5.Олинган натижаларни математик, статистик қайта ишлаш.
Битирув малакавий ишнинг объекти. Ёшларнинг оилавий ҳаётга муносабатларини ўрганиш мақсадида талаба ёшлардан 47 нафар йигит-қизлар танланди.
Битирув малакавий ишнинг предмети бўлиб, ёшларнинг оилавий ҳаёт ҳақидаги тасаввурлари, уларни шакллантирувчи ижтимоий-психологик омиллар ҳамда ижтимоий тренингларда намоён бўладиган шахс сифатларини таркиб топтириш жараёни ҳисобланади.
Маълумки, ижтимоий хулқнинг мақсадга мувофиқ барқарор малакаларини шакллантириш учун кўп марта такрорланишга асосланувчи қайтариладиган машқлардан ташқари, шахс томонидан уларни англаш ва руҳан ичдан қабул қилиш ҳам катта аҳамиятга эга.
Ёшлар руҳиятида эмоционаллик ва ҳиссиётнинг устунлигини эътиборга олсак, айнан тренинг машқлари уларнинг оилавий муносабатлар бўйича тасаввурлари доирасини кенгайтириш, уларда мустаҳкам, мақсадга мувофиқ малакаларни ҳамда хулқ шаклларини ижтимоий установкалар сифатида ҳосил қилиш вазифасини бажаради.
Битирув малакавий ишнинг назарий аҳамияти. Тадқиқотнинг назарий аҳамияти унинг илмий янгилиги ва тадқиқот методларининг янгилиги, ишончлилиги даражасидан келиб чиқади. Ёшларнинг оилавий муносабатлар ҳақидаги тасаввурлари тизимини тадқиқ этиш ижтимоий психология, консултатив психология ҳамда оилавий муносабатлар психологияси соҳаларини илмий хулосалар билан бойитади, соҳалараро ва предметлараро илмий тадқиқотларнинг самарадорлигини оширишга хизмат қилади.
Олинган эмпирик натижалар, илмий хулосалар оила психологиясини қўшимча билимлар билан бойитади.