Исакова Н. А. Самду инглиз тили кафедраси катта ўқитувчиси

Ўқув фаолиятининг мазмуни:
- аудиторияда ўрганилаётган тилдаги илмий-техник матн устида ишлаш; матнни овоз чиқариб ўқиш ва оғзаки таржима; танишув, ўрганиш, назардан ўтказиш мутолааси, ўқув материалларини излаш мутолааси; 20 – 30 минут мобайнида 1200 босма белги ҳажмидаги матн парчаси ёзма таржима қилиш ва бунда махсус соҳа луғати ва маълумотномадан фойдаланиш; ўқитувчи раҳбарлигида мутахассислик бўйича оригинал матнни аннотация ва реферат ёзиш;
- аудитория машғулотларида гапириш ва эшитиш; ўтилган ижтимоий- сиёсий мавзуларни такрорлаш; мутахассислик бўйича ўқилган материал бўйича ахборат билан чиқиш; ўрганилаётган тилда ўқилганлар бўйича суҳбат ва муҳокама (таълимий ўйинлар);
- ҳафтасига ҳар бир бетнинг шартли ҳажми 1500 босма белги бўлган 3 бет матнни аудиториядан ташқари мустақил ўқиш.
Ўқув материалларининг характери:
- ўқув машғулотларида мутахассислик бўйича илмий-техник матн устида ишлаш учун (таништириш, ўрганиш, излаш ва назардан ўтказиш мутолааси, ёзма таржималар, аннотация ва реферат ёзиш) хорижий илмий-техник журналлар мақолалари, симпозиум ва конференцияларнинг материаллари, шу билан бирга техник ҳужжатлар (фойдаланиш, таъмирлаш ва техник хизмат кўрсатиш бўйича йўриқнома, махсулот паспорт ва ҳ.к.).

Ёзув
Ёзувлик ўргатишнинг вазифаси бутун давр мобайнида ўқув вазифаларини бажариш учун қўшимча восита сифатида фойдаланишдан иборат.
Ёзувни ўрганганлик талаблари тегишли ўқув вазифаларини бошқаришда актив минимум таркибига кирувчи сўзлар, сўз бирикмаларини инглиз тилида тўғри ёза олиш;
Ўқилган матннинг мазмунини қисқа ёзма равишда баён қилиш. Ўқув материали ўрганилган матнлар ва нутқ намуналарини ўз ичига олади.

Фаннинг ўқув режадаги бошқа фанлар билан ўзаро боғлиқлиги ва услубий жиҳатдан узвийлиги
“Инглиз тили” фани самарали ўзлаштирилиши учун талабанинг “Тил кўникмалари интеграцияси”, “Тил аспектлари амалиёти”, “Ўқиш ва ёзиш амалиёти”, “Асосий ўрганилаётган тил”, “Тилшунослик”, “Мамлакатшунослик”, “Тили ўрганилаётган мамлакатлар адабиёти тарихи”, “Тиллар ўқитиш методикаси ва таълим технологиялари” каби фанлардан етарли билим ва кўникмаларга эга бўлиши талаб этилади.