Исакова Н. А. Самду инглиз тили кафедраси катта ўқитувчиси

Амалий машғулотларни ташкил этиш бўйича
кўрсатма ва тавсиялар
Амалий машғулотларини ўтказишда қуйидаги дидактик тамойилларга амал қилинади:
- амалий машғулотларининг мақсадини аниқ белгилаб олиш;
- ўқитувчининг инновацион педагогик фаолияти бўйича билимларни чуқурлаштириш имкониятларига талабаларда қизиқиш уйғотиш;
- талабада натижани мустақил равишда қўлга киритиш имкониятини таъминлаш;
- талабани назарий-методик жиҳатдан тайёрлаш;
- амалий машғулотлари нафақат аниқ мавзу бўйича билимларни якунлаш, балки талабаларни тарбиялаш манбаи ҳамдир. Мустақил ишларнинг натижалари мавзулар бўйича сўз ва сўз бирикмаларини ўзлаштириш, мазкур тил воситалари ёрдамида эркин сўзлашиш учун диалогик ва монологик матнлар тузиш шаклида расмийлаштириш мумкин.
Лаборатория ишларини ташкил этиш бўйича кўрсатмалар
Фан бўйича лаборатория ишлари намунавий ўқув режада кўзда тутилмаган.

Курс ишини ташкил этиш бўйича услубий кўрсатмалар
Фан бўйича курс иши намунавий ўқув режада режалаштирилмаган.
Мустақил таълимнинг ташкил этишнинг шакли ва мазмуни
Тилни ўрганиш жараёнида талаба интерфаол усуллар воситасида мустақил таълим олишга рағбатлантирилади ва мустақил фикрлаш талаб қилинади. Бунда ўқитувчи билим берувчи ва баҳоловчи сифатида эмас, балки фасилитатор (инглизча facilitate сўзидан олинган бўлиб, бирор бир жараённинг боришига яхши таъсир этувчи ва унга мос шарт-шароитлар яратиб берувчи) сифатида намоён бўлади. Талабадан фан бўйича мустақил ўрганган билимларини аудиторияда турли хил интерактив услублар орқали намойиш қила олиши ва бошқаларга ўргата олиши талаб этилади.
Мустақил таълим қуйидаги шаклларда ташкил этилади:
1. Турли хил луғатлар, грамматик маълумотлар ёрдамида лексик ва синтактик бирликлар устида чуқур иш олиб бориши;
2. Тил ва маданият борасида турли хил ўхшашликлар ва тафовутларни аниқлаши;
3. Компьютерлашган лингафон воситалари билан ишлаш;
4. Эркин мавзуда иншо ёки баён ёзиш;
5. Ўрганилаётган тил ва нутқ материалига доир машқлар ва тестлар тузиш;
6. Газета, журнал мақолаларини ўқиш ва улардан таржимаи ҳол, резюме, аннотация ёзишда фойдаланиш;
7. Формуляр, анкета тузиш, таржимаи ҳол, резюме, аннотация ёзиш;
8. Дебат, муҳокама, келишувлар, учрашувлар, ўйинлар ўтказиш.
9. Мустақил тарзда очиқ дарслар, презентациялар тайёрлаш;
10. Сўз ясаш усуллари;
11. Луғат яратиш услублари;
12. Сўз маъносининг тузилиш услублари;
13. Турғун ва эркин бирикмаларни фарқлаш услублари;
14. Ўзлаштириш ва ассимиляция услублари
Мустақил ишларнинг натижалари мавзулар бўйича сўз ва сўз бирикмаларини ўзлаштириш, мазкур тил воситалари ёрдамида эркин сўзлашиш учун диалогик ва монологик матнлар тузиш шаклида расмийлаштириш мумкин.