Исакова Н. А. Самду инглиз тили кафедраси катта ўқитувчиси

Ўқув материалининг характери:
-ўқув машғулотларида таништириш ва ўрганиш мутолаасини ўрганиш учун мавжуд дарслик ва ўқув қўлланмалари ёки кафедра ўқитувчилари тайёрлаган қўлланмалар (Ўзбекистон Республикаси МК қарорига кўра) матнларидан фойдаланилади. Дарсларнинг асосий матнлари талабаларнинг грамматик, лексик ва сўз ясаш минумумини ўзлаштиришга кўмаклашувчи матн олди ва матндан кейинги машқлар билан бойитилган бўлиши лозим. Аудитория машғулотларида фойдаланиладиган оригинал матнлар матндаги саволлар бўйича тайёргарлик бўлмаган ўқувчига мўлжалланган ўқув оммабоп адабиётлардан танланган бўлиши лозим. Бундай матнлар бўлажак мутахассис ёки ўқувчининг дунёқараши ва эрудициясини кенгайтириш учун хизмат қилиши, ахборат билан таъминлаши ва сезиларли даражада махсус фанларни ўрганиш билан боғлиқ қийинчиликларни камайтириши лозим; мавзувий ўқув матнлари олий ўқув юртида мутахассислар тайёрлашнинг асосий йўналишларини ўзида акс эттириши лозим.
- гапириш ва эшитишга ўргатиш учун ишлатиладиган ўқув материаллари сўзлашув мазмунини ифодаловчи дастлабки ахборатларни ўзида мужассам этиши лозим; гапириш ва эшитишга ўргатиш учун дарсларнинг асосий матнлари ва уларнинг фоноёзувлари, “Оғзаки нутқ кўникмаларини ўстириш бўйича амалий машғулотларга услубий кўрсатмалар” ва нашр режаси бўйича яратилган бошқа материаллардан фойдаланиш мумкин.
- аудиториядан ташқари мустақил мутолаа учун мавжуд ўқув қўлланмалари, ўқиш китоблари шу билан бирга кафедра ўқитувчилари тайёрланган ўқув қўлланмалари ва адабиётлардан фойдаланиш мумкин; уй мутолааси учун матн танлашда оригинал ўқув ва илмий – оммабоп адабиётдан фойдаланиш зарур.
Таълимнинг учинчи босқичи мазмуни
Таълимнинг учинчи босқичи хусусиятлари шундан иборатки, бу босқичда касбий фаолиятнинг бошқа турларига ўргатиш ва хорижий тил бўйича шу пайтгача олган билимлари, ҳосил қилган кўникмаларини амалда қўллашга ўргатилади (5 – 6 семестрлар).
Таълимнинг учинчи босқичи вазифалари:
- танишув ва ўрганиш мутолааси кўникмаларини такомиллаштириш, ахборат излашни ўргатиш (мутахассислик бўйича илмий – техник журналлар тавсифи), шу билан бирга назардан ўтказиш ва излаш мутолаасига ўргатиш;
- таълимнинг 2 – босқичида хорижий тил бўйича эгалланган билим ва кўникмаларни қўллаган ҳолда касбий фаолиятнинг турларига ўргатиш; аннотация ва рефератларга ўргатиш; мутахассислик бўйича ўқилган хорижий адабиётлар асосида маъруза ва шарҳлар тайёрлашга ўргатиш;
- ижтимоий-сиёсий ва касбий мавзу асосида гапириш ва эшитиш кўникмаларини такомиллаштириш;
- ахборат излаш, ёзма таржима, аннотация ва реферат тайёрлаш кўникмаларини такомиллаштириш.