Iqtisodiyotning asosiy muammosini hal qilish yo‘llari

Bozor obyekti – bozorga, ayriboshlash munosabatlariga jalb qilingan iqtisodiy faoliyatning natijalari va iqtisodiy resurslar, tovar, pul va unga tenglashtirilgan moliyaviy aktivlardir.
Bozor subyekti – bozorning, ayriboshlash munosabatlarining qatnashchilaridir.
Bozor infratuzilmasi – ayriboshlash munosabatlariga xizmat qiluvchi muassasaviy tuzilmalardir.
Talabga narxdan tashqari quyidagi omillar ta’sir ko‘rsatadi:
1) Iste’molchining didi;
2) Bozordagi iste’molchilar soni;
3) Iste’molchining daromadlari;
4) Bir-biriga bog‘liq tovarlarning narxi;
5) Кelajakda narx va daromadlarning o‘zgarishi kutilishi
Bozorda taklif qilinadigan tovar hajmiga narxdan tashqari bir qator omillar ta’sir qiladi. Bu omillarning asosiylari quyidagilar:
1) Resurslarning narxi;
2) Ishlab chiqarish texnologiyasi;
3) Soliq va dotatsiyalar;
4) Boshqa tovarlarning narxi;
5) Narx o‘zgarishining kutilishi;
6) Bozordagi sotuvchilar soni.
Narx – bozor iqtisodiyoti sharoitida tovar va xizmatlarga talab va taklif, ular qiymati va ijtimoiy nafliligining puldagi mujassamlashishidir
Narxning turlari:

1. 
   Chakana narxlar - bu tovarlar bevosita iste’molchilarga sotiladigan narxlar. Chakana narx o‘z tarkibiga tovarning ulgurji narxi hamda chakana savdo tashkilotlari xarajatlari va foydasini oladi.
   
2. 
   Xarid narxlari - bu narxlar davlat buyurtmasi bo‘yicha ishlab chiqarilgan tovarlarga belgilanadi. Ayrim hollarda bunday narxlarga muayyan ustama va imtiyozlar bo‘lishi ko‘zda tutiladi.
   
3. 
   Dotatsion narxlar - davlat budjeti hisobidan arzonlashtirilgan narxlardir.
   
4. 
   Demping narxlar - bunday narxlarda ishlab chiqaruvchilar bozordagi mavqeini mustahkamlash va raqiblarini siqib chiqarishda foydalanadi. U bozorga «suqilib kirish» narxi deb ham ataladi.
   
5. 
   Nufuzli narxlar - aholining yuqori daromad oluvchi qatlami xarid qiladigan nufuzli (obro‘-talab) tovarlarga belgilanadi.Ta’riflar. Turli xil xizmatlar (telefon, transport, kommunal va h.k.) narxi sifatida chiqadi.