Iqtisodiyot va innovatsion

Таҳлил ва натижалар

Тўқимачилик саноатида инвестицияларни тартибга солиш фаолиятини самарали бошқариш масалаларига тизимли ёндашиш, инвестиция жараёнларини бошқаришнинг замонавий усулларини такомиллаштириш асосида тармоққа инвестицияларни жалб этиш самарадорлигини таъминлайдиган ва инвестицияларни жалб этиш механизмларини такомиллаштириш шулар жумласидан.
Республикамиз иқтисодиётининг ривожланишида эришилаётган ижобий натижалар, шунингдек, иқтисодиётни модернизациялаш асосида замонавий саноат тармоқлари ва ишлаб чиқариш қувватларининг йўлга қўйилиши натижасида ишлаб чиқарилаётган маҳсулот ва хизматлар турининг кўпайиб, уларнинг рақобатбардошлиги халқаро бозорлардаги талабга мувофиқлаштирилиб борилмоқда.
Фикримизча, саноат, қишлоқ хўжалиги ва иқтисодиётнинг бошқа секторларига инновацион ишланмаларни жорий этиш борасида ижобий натижаларга эришилаётганига қарамасдан, кашф этиш ва ихтирони ўзлаштириш, уни

тижорийлаштириш ва якуний илмий ҳажмдор маҳсулот ишлаб чиқаришни ўз ичига олган инновацион жараённинг барча босқичларини бирлаштирадиган узлуксиз тизимни янада изчил ривожлантириш зарур.

Ўзбекистон Республикаси Президентининг 2017 йил 7 февралдаги ПФ-4947- сонли “Ўзбекистон Республикасини янада ривожлантириш бўйича Ҳаракатлар стратегияси тўғрисида” ва 2018 йил 21 сентябрдаги “2019-2021 йилларда Ўзбекистон Республикасини инновацион ривожлантириш стратегиясини тасдиқлаш тўғрисида”ги фармонлари 2018 йил 7 майдаги ПҚ-3698-сонли “Иқтисодиёт тармоқлари ва соҳаларига инновацияларни жорий этиш механизмларини такомиллаштириш бўйича қўшимча чора-тадбирлар тўғрисида”ги қарорлари, шунингдек бошқа меъёрий- ҳуқуқий ҳужжатларда белгиланган вазифаларни амалга оширишда муайян даражада хизмат қилади.
Саноат маҳсулотлари ишлаб чиқаришни диверсификациялаш ва унинг замонавий тармоқларини модернизациялаш жараёни унинг субъектлари иқтисодий фаолиятининг моддий-техника базасини ривожланиш даражасига боғлиқдир, чунки корхоналар ресурс салоҳиятидан самарали фойдаланиш иқтисодий ўсишни таъминлаш ва барқарорликка эришишнинг шарт-шароити ва асосий омили ҳисобланади.