Iqtisodiyot” kafedrasi “menejment” fanidan Oʻquv-uslubiy majmua

KEYS-4. OʻZ VAZIFANGNI OʻZING BAJAR!
Vaziyat bayoni
Informatsion kompaniyaning loyihalash boʻlimida ikki xodima-Zokirova N. va Maxmudova L.injener boʻlib ishlaydilar. Ular kompaniyaga bir vaqtda ishga kelganlar, lekin ularning ishlash stili bir-biridan tubdan farq qiladi. Zokirova N. punktual, vijdonan ishlaydi va boshqalardan ham buni talab qiladi. Rejadan tashqari ishlardan ham bosh tortmaydi. Maxmudova Z. esa bir maromda ishlamaydi, uning kayfiyati bilan ishlash layoqati hech bir-biriga toʻgʻri kelmaydi, u qon bosimi yoki yuragining urishidan doimo shikoyat qiladi, ammo davolanish ta’tiliga (byulletenga) chiqmaydi, oylik maoshini qisqarishini hoxlamasligini roʻkach qiladi. Rahbar Zokirova N. ga tayangani uchun Maxmudova Z.ga yon bosardi. Maxmudova L. oʻzini yomon his qilayotganini roʻkach qilib mayda topshiriqlardan bosh tortganda, boʻlim boshligʻi uning ishlarining bir qismini Zokirova N.ga yuklardi.
Bu ikki xodimalarning birinchi toʻqnashuviga Maxmudova Z.ning ishidagi xatolari boʻldi. Zokirova N. Maxmudova Z. ishlarini bir qismini bajargani uchun u Maxmudovadan ishlarini sifatli va oʻz vaqtida bajarishini talab qila boshladi. Zokirova N. oʻzining talab va shikoyatlarini Maxmudovaga Z.ga guvohlarsiz aytdi, Maxmudova Z. esa bu intsidentni (holatni) boʻlimda muhokama qilinadigan muammoga aylantirdi.
Bu nizo xamkasblarni bir-biriga nisbatan nafratli boʻlishiga sabab boʻldi. Ularning rahbari ayollar ishiga aralashmaslikka qaror qilib, birinchi imkoniyatning oʻzida ularning ish funksiyalarini ajratib, Zokirova N.ga qoʻshni boʻlimdan boshqa ish joyini egallashini taklif qildi. Zokirova N. boshqa funktsional topshiriqlarni bajarishdan bosh tortdi va rahbardan Mahmudova Z.ni boshqa boʻlimga oʻtkazishini talab qildi. Bunda faqat u ishdan qochishini va bu holatga aynan u aybdor ekanligini ta’kidladi.
Muhokama va mulohaza uchun savol va topshiriqlar.
1.Keys ishtirokchilarini pozitsiyasini tushuntiring. Sizning fikringizcha, kim vaziyatga yuqori darajada ta’sir qiladi?
2. Rahbarning echimlarida xatoliklar bormi? Qanday xatolar?
3. Paydo boʻlgan muammoni yechish uchun, ishtirokchilar qanday yoʻl tutishlari kerak?
4. Muammoni yechish uchun kompaniyaga taklifingiz.
Izoh:
Keysda koʻrsatilgan holat kommuniaktiv muammolar namunasidir.
Rahbarning ikkala xodimalariga nisbatan munosabatini xato deb qarash mumkin. Keys huddi tadqiqotchini konflikt holatga jalb qilgandek, uchta turli pozitsiyalar mavjud: rahbar hamda ikki hamkasbdoshlar.