Iqtisodiyot asoslari

Ishlab chiqarish imkoniyatlari egri chizig’i - iqtisodiyotda to’la bandlik va ishlab chiqarishning boshqa omillaridan to’la foydalanilgan sharoitda ikkita mahsulotni ishlab chiqarishning har xil kombinasiyalarini ko’rsatuvchi egri chiziq.
Ishchi kuchi - insonning jismoniy va aqliy qobiliyatlari yig’indisi va mehnat qilishga layoqati bo’lib, har qanday jamiyat ishlab chiqarish-ining asosiy sharti hisoblanadi. Aholining jismoniy va aqliy mehnatga layoqatli qismi ishchi kuchini tashkil etadi.
K
Kapital - tovar va xizmatlarni yaratish jarayonida foydalaniluvchi ishlab chiqarish vositalari va daromad keltirishi mumkin bo’lgan har qanday resurs.
Kartel’ - korxonalar o’rtasida mahsulot narxi, uni sotish hajmlari, sotish bozorlari to’g’risida kelishib olishni ifoda etuvchi monopo-liyaning bir ko’rinishi.
Kvota - qonunchilik yoki o’zaro kelishuvlar asosida belgilanadigan tovar va xizmatlarni ishlab chiqarish yoki sotishdagi korxonaning ulushi.
Kredit - muddatlilik, foizlilik, qaytarib berishlik shartlari asosida qarz oluvchi va qarz beruvchi o’rtasida vujudga keluvchi qarz munosabatlari.
Konsorsium - muayyan iqtisodiy loyihalarni yoki moliyaviy operasiyalarni birgalikda amalga oshirish maqsadida banklar va sanoat kompaniyalari o’rtasida tuzilgan muvaqqat bitim.
Konsignasiya - mahsulotlarni vositachilar ombori orqali sotish shakli. Bunda etkazib beruvchi vositachi omboriga kelib tushgan molga egalik qilish huquqini mol xaridorga sotilgan paytga qadar saqlab qoladi.
Konsalting - korxona iqtisodiy faoliyatini tashkil etishning barcha jabhalari bo’yicha yo’l- yo’riq va maslahatlar berish.
Korxona - amaldagi qonunchilik doirasida foyda olishni maqsad qilib qo’ygan holda faoliyat yurituvchi xo’jalik yuritish shakli. Respublikamiz qonunchiligiga muvofiq ishlovchilar sonidan kelib chiqqan holda mikrofirma, kichik korxona, o’rta korxona, katta korxonalar farqlanadi.
Kon’yunktura (iqtisodiy) - mamlakat iqtisodiyotida yoki jahon xo’jaligida ma’lum vaqt mobaynida tarkib topgan iqtisodiy vaziyat. Iqtisodiy kon’yunktura vaqtinchalik tavsifga ega bo’ladi.