Iqtisodiyot asoslari

Eksport - tovar va xizmatlarni sotish maqsadida xorijiy davlatlar bozoriga chiqarish.
Emitent - qimmatli qog’ozlarni muomalaga chiqaruvchi huquqiy shaxs maqomiga ega bo’lgan korxona yoki tashkilot.
Ekstensiv iqtisodiy o’sish - ishlab chiqarishning dastlabki texnikaviy holati saqlanib qolgan holda, ishlab chiqarishda foydalanilayotgan resurslar miqdorini oshirish hisobiga ishlab chiqqarilayotgan mahsulot va xizmatlar hajmining o’sishi.
Ekologiya - tabiat va jamiyat o’zaro ta’sirining umumiy qonuniyat-larini o’rganuvchi fan.
Engel’ qonuni - oilaning daromadi ko’paygani sari uning eng zarur tovarlarga sarflaydigan ulushi kamayib, ayni vaqtda zeb - ziynat buyumlariga qilinadigan sarflar ulushi o’sib boradi.
Erkin bozor - mukammal raqobat qonunlari amal qiladigan, davlat aralashuvi minimal holatga keltirilgan bozor.
Erkin savdo - savdo - sotiqda hech qanday cheklovlarning mavjud emasligi.
Yu
Yunktad - Birlashgan millatlar tashkilotining savdo va rivojlanish bo’yicha konferensiyasi. Uning asosiy vazifasi xalqaro savdoning rivojlanishiga ko’mak berishdan iborat.
YuNESKO - BMTning fan, maorif, madaniyat masalalari bo’yicha ixtisoslashgan tashkiloti. Ushbu tashkilotning maqsadi ta’lim, madaniYat sohasida xalqaro hamkorlikni qo’llab quvvatlashdan iboratdir.
Ya
Yalpi Milliy Mahsulot - Milliy iqtisodiyot o’lchamlarini o’lchashda foydalaniluvchi asosiy makroiqtisodiy ko’rsatkich bo’lib, odatda bir yil mobaynida mamlakat miqyosida yaratilgan yakuniy tovar va xizmatlarning puldagi qiymatini ifoda etadi.
Yalpi Ichki Mahsulot - ma’lum muddat, odatda bir yil mobaynida, mamlakat rezidentlari tomonidan yaratilgan yakuniy tovar va xizmatlarning puldagi qiymatini ifoda etadi.
Yalpi Milliy Mahsulot deflyatori - nominal YaMMning real YaMMga nisbati sifatida aniqlanuvchi va narxlar darajasining o’sish sur’atlarini aks ettiruvchi ko’rsatkich.