Iqtisodiyot asoslari

Giperinflyasiya - muomaladagi pul massasi va narxlar darajasi o’sishining nazorat doirasidan chiqib ketishini ifoda etuvchi inflyasiya turi. Giperinflyasiya davrida narxlar darajasining yillik o’sish sur’atlari yiliga 1000 % dan oshib ketadi.
Garov - savdo va tijorat ishlarini amalga oshirish hamda banklardan naqd pul bilan kredit olish vaqtida ko’char yoki ko’chmas mulkni vaqtinchalik qarz beruvchi ixtiyoriga berish.
Gorizontal qo’shilish - bir xil mahsulot ishlab chiqaruvchi yoki ishlab chiqarishning bir xil bosqichini amalga oshiruvchi korxonalarning Yagona korxonaga birlashishi yoki bitta korxona nazoratiga o’tishi.
Gipoteza - ilmiy bilimlar rivoji va ularning kelib chiqishini asoslash maqsadida ilgari suriluvchi ilmiy farazlar.
D
Davlat mulki - mulkdor sifatida davlat muassasalari ishtirok etuvchi mulk shakli.
Davlat tadbirkorligi - tovarlar ishlab chiqarish va xizmatlar ko’rsatish maqsadida davlat korxonalarining tijorat va notijorat asosidagi faoliyati.
Davlat sektori - milliy iqtisodiyotning davlat mulki bo’lgan yoki butunicha davlat tomonidan nazorat qilinuvchi sohasi.
Davlat qarzi - davlatning aholi, korxona va tashkilotlardan va xorijiy mamlakatlardan bo’lgan qarzi. Davlat qarzi ichki va tashqi qarzlarga bo’linadi.
Davlatning byudjet - fiskal siyosati - davlatning makroiqtisodiy barqarorlikni ta’minlash maqsadida byudjet xarajatlari va soliqlarni boshqarishga qaratilgan siyosati.
Deval’vasiya - valyuta kursining rasmiy tarzda pasaytirilishi.
Deflyasiya - inflyasiyaga teskari bo’lgan jarayon, milliy iqtisodiyot miqyosida o’rtacha narxlar darajasining ish faolligining susayishi natijasida pasayishi.
Diversifikasiya - bir vaqtning o’zida korxona tomonidan bir biriga bog’liq bo’lmagan ishlab chiqarishlarning tashkil etilishi va rivoj-lantirilishi.
Diler - o’z hisobidan va o’z foydasini ko’zlab birja savdolarida vositachilik faoliyatini amalga oshiruvchi jismoniy shaxs yoki firma.