Iqtisodiyot asoslari

Zarar - korxona daromadlari va xarajatlari o’rtasidagi manfiy tafovut, ya’ni, korxona xarajatlarining daromadlaridan ortiqcha bo’lishi.
Zararsizlik nuqtasi - umumiy xarajatlarning umumiy daromadlarga teng bo’lgan, yoki o’rtacha xarajatlar mahsulot narxiga teng bo’lgan holat. Raqobatli bozor sharoitida korxona uchun zararsizlik nuqtasini e’tiborga olish muhimdir, chunki yuqori xarajatlar korxonaga daromad olish imkonini bermaydi.
I
Investisiya - ma’lum bir qaytimga ega bo’lish maqsadida ishlab chiqarishga qilingan moddiy sarflar.
Inson kapitali - insonlar tomonidan o’z umrlari davomida to’plangan bilim, ko’nikma, sog’liq va hayotiy tajriba.
Izokvanta - ma’lum bir turdagi mahsulotni ishlab chiqarishda foydalanilishi mumkin bo’lgan omillar kombinasiyasini aks ettiruvchi egri chiziq.
Import - mamlakat ichki iste’mol bozorlarida sotish uchun xorijiy ishlab chiqaruvchilar tomonidan mamlakat ichki bozorlariga tovar va xizmatlarning olib kirilishi.
Indeksasiya - inflyasiya sur’atlarini hisobga olgan holda to’lovlar miqdorini o’zgartirish.
Injiniring - muhandislik- qurilish, loyihalash xizmatlarini ko’rsatish.
Inflyasiya - umumiy miqyosda narxlarning o’sishi sifatida namoyon bo’luvchi yalpi talab va yalpi taklif o’rtasidagi muvozanatning buzilishi.
Ipoteka - kredit olish maqsadida er yoki boshqa ko’chmas mulk ob’ektlarini garovga qo’yish.
Ishlab chiqarish xarajatlari - ma’lum bir mahsulot yoki xizmat turini ishlab chiqarishga korxona tomonidan sarflangan moddiy sarflar. Doimiy, o’zgaruvchan va yalpi xarajatlar farqlanadi.
InnovasiYa - korxona tomonidan ishlab chiqarish jarayonida ishlab chiqarishni tashkil etish va boshqarishning zamonaviy usul va vositalaridan tijorat asosida keng foydalanish.
Intensiv iqtisodiy o’sish - resurlardan foydalanish samaradorligini oshirishga asoslangan iqtisodiy o’sish.
Iste’mol savati - kishilarning me’yoriy hayot kechirish faoliyatini ta’minlash uchun zarur hisoblangan oziq - ovqat va sanoat tovarlarining yig’indisini ifodalovchi tushuncha.