Iqtisodiy-ijtimoiy geografiya fanidan atamalar to’plami: Obyektivlik

«Агробизнес» тушунчасининг моҳияти. Агробизнес-юқори фойда олиш мақсадида қишлоқ хўжалиги ва у билан боғлиқ тармоқларни (маркетинг тизими ҳам киради) ҳозирги замон бошқарув усуллари ва йўллари билан ташкил қилишдир.

"Кўк инқилоб" қишлоқ хўжалиги ишлаб чиқаришини замонавий агротехника ва бошқариш асосида ташкил қилиш негизида, ИТИ ютуқларини қўллаш орқали қишлоқ хўжалиги экинлари ҳосилдорлигини оширишдан иборат чора-тадбирлар мажмуасидир.

Техника экинлари- қандли, толали, мойли ва «рағбатлантирувчи» (чой, кофе, какао) каучуксимон гуруҳларга бўлинади. Бу ўсимликлар асосан иссиқсевар, сермеҳнат ва юқори товарлилиги билан ажралиб туради. Бу экинлар деярли тропик ва субтропик минтақаларда бўлиб, «мустамлака экин» лари деб ҳам юритилади.

Авиация тармоғи –йирик (пойтахт) шаҳарларидан бирида жойлашган бир неча аэропортлар йиғиндиси. Ҳар бир аэропорт тармоғи маълум турдаги парвозларни (қитъалараро, ички, милий, минтақалараро, маҳалий) хизмат кўрсатишга ихтисослашган; анъанавий ёки чартер рейслар; баъзи авиакомпанияларнинг самалётлари (анъанавий, арзон); айрим турдаги компаниялар (одадий, корпоратив, идоравий, бизнес, хусусий). Дунёнинг энг йирик авиация тармоқлари ҳаво кемалари (млн. йўловчи, 2012): Лондон (140.0, жумладан, Хитроу, Гэтвик, Стэнстед, Лутон Сити аэропортлари); Нью-Йорк (109.1; Дж. Кеннеди, Нью-Йорк, Ла-Гардиа); Токио (102.3; Ханеда, Нарита); Чикаго (85,6; О-Хэйр, Мидвэй); Париж (88,8; Руасси – Шарль-де-Голль, Орли), Вашингтон (64,7; Даллес, Балтимор – Вашингтон, Р. Рейган); Москва (63,9; Домодедово, Шереметьево, Внуково, Быково, корпоратив Остафьево, Чкаловский бўлими)

Авиахаб - йирик аэропорт тармоғи бўлиб, йўловчи ташишда транзитлиги ҳамда қисқа вақт ичида махсус режлаштирилган парвозларни амалга оширувчи йирик марказ. Авиахаб марказлари кенг йўналишли тармоққа эга.

Қайта ишлаш саноати (Обрабатывающая промышленность) – Материаллар ёки моддаларни химёвий, механик, физикавий, нонотехнологик, биотехнологик жиҳатдан ўзгартириб янги маҳсулотлар тайёрловчи комлекс тармоқлар йиғиндиси.