Iqtisodiy-ijtimoiy geografiya fanidan atamalar to’plami: Obyektivlik

Минтақавий табақалашув – минтақаларнинг иқтисодий ривожланиш ва аҳоли турмуш даражасининг бир хил эмаслиги

Бренд ҳудудлар – бошқа ҳудулардан ўзининг жозибадорлиги ва рақобатбардошлиги билан ажралиб турадиган ҳудуд. Ҳудудларнинг бренди ҳудуд ҳақидаги хилма- хил ғояларни ўз ичига олади: унинг функционал ва моддий хусусиятлари, қадрятлар ва у билан боғлиқ ҳиссий тажрибалар ҳақидаги қарашларни қамраб олади. Бренд ҳудудлар – унинг ташқи исътемолчилари (туристлар, инвесторлар) онгида яхши тассурот қолдиради. Бренд ҳудудларни товарлар логотипи (савдо белгиси), герби, рамзи ва ҳудуднинг ўзига хос хусусиятларини акс эттиришнинг бошқа воситалари билан чалкаштирмаслик керак

Евроҳудуд- Европа Иттифоқига аъзо ягона валюта- евро муомлада бўлган мамлакатлар гуруҳи. ЕИнинг мақсадлари: Европа халқларининг мустаҳкам иттифоқини вужудга келтириш, ички чегаралари бўлмаган макон яратиш, иқтисодий ва ижтимоий ўзаро таъсирни кучайтириш йўли билан мувофиқлаштирилган узоқ муддатли иқтисодий тараққиётга ёрдам бериш; иқтисодий ва валюта иттифоқини ташкил қилиш ва ягона валюта яратиш (бу мақсадга 2002 йил январда асосан эришилди); биргаликда ташқи сиёсат олиб бориш ва хавфсизлик борасида сиёсат юритиш, келгусида эса биргаликда мудофаа сиёсатини ҳам олиб бориш йўли билан халқаро соҳада ўзига хос бир хилликни қарор топтириш; адлия ва ички ишлар соҳасида ҳамкорликни ривожлантириш; умумий бойликни сақлаб қолиш ва кўпайтириш. Қароргоҳи Страсбур ш.да (Франция

Геоконфиликтология –география фанлари тизимида геосиёсат ва сиёсий география фанлари оралиғида вужудга келган муаммоли илмий йўналиш ҳисобланади. Ижтимоий келиб чиқиши (сиёсий, этник, экологик, сув ресурсларини бошқариш, ахборот хафвсизлиги, террорчилик ҳатти - ҳаракатлари) каби можороларни ҳудудий жиҳатларини ўрганади

Махсус эркин иқтисодий ҳудудлар- ноанъанавий тармоқларни ривожлантириш, миллий иқтисодиётга хорижий инвестицияларни жалб қилиш мақсадида ташкил этилган мамлакатнинг махсус иқтисодий имтиёзлар жорий этилган алоҳида ҳудуди.