Iqtisodiy-ijtimoiy geografiya fanidan atamalar to’plami: Obyektivlik

Hududiy tashkil etish - Iqtisodiy va ijtimoiy geografiyada an’anaviy tarzda «hududiy tashkil etish» iborasi qo’llanilib, u odatda mazmun va shakllari bo’yicha ishlab chiqarish kuchlarini joylashtirishga yaqinroq turadi. Shu bilan birga oddiy joylashtirishdan farq qilib, ishlab chiqarishni, aholi yoki xo’jalik tarmoqlarini hududiy tashkil etish ayni paytda uni muayyan maqsadga yo’naltirilishi va eng muhimi-boshqarilishini ham o’z ichiga oladiki, bu ushbu tushunchaning ilmiyroq va amaliyroqligidan darak beradi. Bu yerda tizim (sistema) qoidasiga muvofiq ma’lum bir voqelikni tashkil etish avvalambor uni boshqarish niyatida amalga oshiriladi.

Jahon ho’jaligi- bir-biri bilan haraktchan ishlab chiqarish omillari orqali bog’liq milliy iqtisodiyotlar yig’indisi.

Jahon bozori- xalqaro mehnat taqsimoti va boshqa ishlab chiqarishga asoslangan barqaror tovar - pul munosabatlari sohasi.

Bazaviy tarmoqlar - kapital, material, energiya sig’imkorligi yuqori tarmoqlar

Davlat byudjeti – davlat daromadlari va xarajatlarining pul bilan ifodalangan yillik yig’indisi

Jahon iqtisodiyoti- xalqaro iqtisodiy munosabatlar tizimi orqali o’zaro aloqada bo’lgan milliy iqtisodiyotlar yig’indisi.

Globallashuv- jahon iqtisodiyotining integratsiyalashuv, transmilliylashuv va baynanmilallashuv jarayonlari hisoblanadi.

Jahon iqtisodiyotining globallashuvi- jahon iqtisodiyotining tovarlar, xizmatlar, kapital, ishchi kuchi va texnologiyalarining yagona bozoriga aylanish jarayoni.

Texnologik taraqqiyot-innovatsion jarayonlar, texnik bilimlar, boshqaruv jarayonlari va boshqalarni o’z ichiga oladi.

Anketalashtirish (inter’yu olish, so’rovnomalar) – prognoz tavsifidagi sub’ektiv baholashlarni tartibga solish, ob’ektlashtirish maqsadida aholi, ekspertlar orasida so’rovnoma o’tkazish. Ayniqsa ekspert baholashlari katta ahamiyat kasb etadi. Prognozlash amaliyotida aholi o’rtasidagi so’rovnomalar o’tkazish hozirgi kunda nisbatan kam amalga oshiriladi;