Iqtisodiy bilim asoslari

SOLIQNI HISOBLASH VA TO‘LASH

Jismoniy  shaxslarning  mol-mulkiga  solinuvchi  soliq  davlat  soliq  idoralari

tomonidan hisoblanadi. Imorat, bino va inshootlardan to‘lanadigan soliqlarning

miqdori ularning har yil 1- yanvardagi qiymatiga asosan belgilanadi.

Imorat, binolar va inshootlarning egasi bir nechta bo‘lsa, ulardan to‘lanadigan

soliq miqdori har bir odamning ulushiga qarab belgilanadi. Yangi qurilgan yoki

sotib olingan binolarga soliq kelgusi yil boshidan boshlab hisoblanadi.

Mol-mulk yo‘q qilingan, butunlay vayron bo‘lgan hollarda mol-mulk solig‘ini

to‘lash ular yo‘q qilingan yoki butunlay vayron bo‘lgan oydan boshlab to‘xtatiladi.

Meros  bo‘lib  qolgan  mulkdan  mol-mulk  solig‘i,  meros  olingan  paytdan

boshlab to‘lanadi. Agar mulkning egasi almashsa, uning oldingi egasi joriy yilning

1-  yanvaridan  boshlab  egalik  huquqi  yo‘qolgan  paytgacha  (oygacha)  soliqni

to‘laydi. Mulkning yangi egasi esa egalik huquqini olgan oydan boshlab to‘laydi.

Agar  mulk  egasi  soliq  to‘lashda  ayrim  imtiyozlarga  ega  bo‘lish  huquqini

qo‘lga kiritsa, mol-mulk solig‘i o‘sha huquq vujudga kelgan oydan boshlab qayta

hisoblanadi.

Mol-mulk solig‘ini to‘lash haqida to‘lov чxabarnomalari davlat soliq idoralari

tomonidan to‘lovchilarga har yili 1- maydan kechiktirmay topshiriladi.

   Topshiriq

Fuqaro Akbarovning dala hovlisi qiymati 2014- yil 1- yanvarda davlat

tomonidan 12500000 so‘m deb baholandi. Akbarov davlatga bu yil qancha

mol-mulk solig‘i to‘laydi?

---