Iqtisod 9 sinflar Mavzu: Tadbirkorlik

Iqtisodiy davr : Bozor iqtisodiyotining ikki asrlik tarixi, unga to'lqinsimon rivojlanish xos ekanligini tasdiqladi. Ma'lum bo'lishicha, bozor iqtisodiyoti hukm surgan davlatlardagi iqtisodiy faollik ma'lum davrlarda o'sib, so'ng esa pasayib, davriy ravishda tebranib turar ekan. Mamlakat iqtisodiyotining bir marta tebranishiga - bir marta o'sib, so'ng pasayishiga ketgan vaqt iqtisodiy davr deb ataladi. 20.1-chizmadagi iqtisodiy davrni olib qaraydigan bo'lsak, u iqtisodiy o'sish va iqtisodiy pasayish oraliqlaridan iborat bo'lib, M nuqta bu davrdagi iqtisodiy faollikning eng yuqori nuqtasi (cho'qqisi), N nuqta esa eng quyi nuqtasidan iborat ekanligini ko'rishimiz mumkin.

Iqtisodiy ko'rsatkichning nominal qiymati - bu uning joriy narxlarga nisbatan hisoblangan qiymati.

Iqtisodiy ko'rsatkichning real qiymati - biror asos qilib olingan yildagi narxlarga nisbatan hisoblangan qiymati.

Iqtisodiy davr - mamlakat iqtisodiyotining bir marta tebranishiga - bir o'sib, so'ng pasayishiga ketgan vaqt.

Agar iqtisodiy rivojlanishning kattaroq davrini ko'zdan kechiradigan bo'lsak, 20.2-chizmada tasvirlangan holatni ko'rishimiz mumkin. Ta'kidlash joizki, bu holatda iqtisodiy faollik tebranib tursada, umuman olganda, iqtisodiyotda ko'tarilish - o'sish kuzatilayapti. Iqtisodiyotda kamida olti oy davomida real YalMning kamayishi kuzatilsa, bu iqtisodiy pasayishdan dalolat beradi.