Ipoteka-bank» aтб наманган вилояти филиалининг ижтимоий-иқтисодий ривожланиши истиқболлари «Ipoteka-bank» aтб наманган вилояти филиали фаолиятини ривожлантириш йўллари Хулоса Кириш

РЕЖА:
Кириш

1. 
   «IPOTEKA-BANK» AТБ Наманган вилояти филиали нинг ташкил топиш тарихи ва қисқача тавсифи
   
2. 
   «IPOTEKA-BANK» AТБ Наманган вилояти филиалининг ташкилий тузилиши
   

3. «IPOTEKA-BANK» AТБ Наманган вилояти филиалининг фаолиятини тартибга солувчи ҳужжатлари
4.»IPOTEKA-BANK» AТБ Наманган вилояти филиалининг ижтимоий-иқтисодий ривожланиши истиқболлари
5. «IPOTEKA-BANK» AТБ Наманган вилояти филиали фаолиятини ривожлантириш йўллари
Хулоса

Кириш


Ҳар қандай мамлакат иқтисодиётининг таянадиган асосий устунлардан бири бўлиб молиявий жиҳатдан мустаҳкам ва барқарор фаолият кўрсатувчи банк тизими ҳисобланади. Ҳар бир мустақил давлатнинг ижтимоий - иқтисодий ривожланиш даражаси ва келажакдаги тараққиёти аввало мазкур мамлакатда барпо этилган ва мунтазам равишда такомиллаштирилиб бориладиган банк тизимининг фаолиятига боғлиқдир. Ўзбекистон Республикасининг бугунги иқтисодий муҳити тижорат банклари фаолиятида мавжуд муаммоларнинг олдини олиб, республикамиз банк ишининг самарадорлигини ошириш асосида, халқаро банк амалиётига мос келувчи тижорат банклари хизматларини яратиш ва мижозларнинг уларга бўлган эҳтиёжини тўла қонли қондириш механизмини яратишни тақозо этади.
Ривожланиш давлат дастурларини шакллантириш тартибини янада такомиллаштириш, лойиҳаларни молиялаштириш ва танлаб олишнинг самарадорлиги ва шаффофлигини таъминлаш, шунингдек, 2017-2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясида белгиланган вазифаларга мувофиқ: марказлаштирилган манбалар маблағлари ҳисобидан молиялаштириладиган, шу жумладан, ҳудудлар ва иқтисодиёт тармоқларини ривожлантириш бўйича лойиҳаларни Ўзбекистон Республикаси Президенти томонидан тасдиқланадиган Ўзбекистон Республикасининг ривожланиш давлат дастурлари асосида амалга ошириш тартибини жорий этилади¹.
Ўзбекистон Республикаси Вазирлар Маҳкамаси ҳузуридаги Ўзбекистон Республикасининг ривожланиш давлат дастурларини молиялаштириш жамғармасини ташкил этиш ҳақидаги таклифлари қабул қилинган.
Давлат дастурлари тегишли ривожланиш консепсиясини ҳисобга олган ҳолда тасдиқланадиган, узоқ муддатли истиқболда, Ўзбекистон Республикасининг тармоқ, ҳудудий ва мақсадли ижтимоий-иқтисодий ривожланишининг устувор йўналишларини амалга ошириш бўйича комплекс кўринишни ва стратегик вазифаларни жамлаган тармоқ, ҳудудий ва мақсадли лойиҳалар портфели асосида шакллантирилади. Давлат дастурларини молиялаштириш учун тижорат банкларининг кредитлари лойиҳаларнинг лойиҳа-смета ҳужжатлари ва бизнес-режалари пухта ва ҳар томонлама ўрганилгандан сўнг, шунингдек, банклар кредит қўмитасининг ижобий қарори мавжуд бўлган ҳолларда тақдим этилади.
Ўзбекистон Республикаси Президенти Шавкат Мирзиёевнинг мамлакатимизни ижтимоий-иқтисодий ривожлантиришнинг асосий якунлари ва мўлжалланган иқтисодий дастурнинг энг муҳим устувор йўналишларига бағишланган Вазирлар Маҳкамасининг кенгайтирилган мажлисидаги маърузасида таъкидлаганидек: “Макроиқтисодий барқарорликни янада мустаҳкамлаш ва иқтисодий ўсишнинг юқори суръатларини сақлаб қолиш, жумладан, Давлат бюджети барча даражада мутаносиб, миллий валюта ва ички бозордаги нарх даражаси барқарор бўлишини таъминлаш – энг муҳим устувор вазифамиздир²”.