Ipak texnologiyasi

Mavzu: Аvtomat pilla chuvish dastgohlari

Reja:

1. 
   Avtomat pilla chuvish dastgohlari.
   
2. 
   Ularda bajariladigan operatsiyalar.
   

Tayanch so’z va iboralar: avtomat pilla chuvish dastgohlari, nazorat apparati, yo’naltiruvchi blochoklar, toz oldi, chuvish tozi, yig‘ish moslamasi, taxlagich planka kо‘zchasi.
Pilla chuvish avtomatlariga: SKE-4VU, SK-5, SKE-4-KM, Gunze, Nissan va Keynan Yapon, Koreya va Xitoy sistemasidagi dastgohlari kiradi. Ular о‘zlarining konstruksiyasi, nazorat apparatining turlari, toz oldining qо‘zg‘alishi va qо‘zg‘almasligi bilan farqlanadi.²

SKE-4-VU 10 ta ilgichdan iborat bо‘lib, yakka uchini topish dastgohi bilan agregat bо‘lib ishlaydi. Dastgoh toz oldidan, ta’minlagichdan, taqsimlagichdan, ip yо‘naltirgichdan, ilgichdan, yо‘naltiruvchi blachoklardan, nazorat apparatidan va yig‘ish moslamasidan iborat. Dastgohda xom ipakning chiziqli zichligini nazorat qilish va rostlash: yangi pilla ipi uchini chuvilayotgan guruhga qо‘shib yuborish; xom-ipakni kalavaga yig‘ish; chuvilmay qolgan va uzilib qolgan pillalarni tozalab olish va ularni qaytadan yana uchini topish uchun RK dastgohiga jо‘natish jarayonlari avtomatlashtirilgan va mexanizatsiyalashtirilgan. Dastgoh 1-ramadan, 2-chuvish tozidan, 3-tozoldi taqsimlagichidan, 4-ta’minlagichdan, 5-taroqdan, 6-taranglash validan, 7-ilgichdan, 8,9-pastki va yuqori yо‘naltiruvchi rolik va valikdan, 10-yig‘uv qurilmasidan, 11-yig‘uvchi charxdan, 12-taxlagich planka kо‘zchasidan, 13-sezgir element blokchasidan, 14-nazorat apparatidan, 15-chirmovuqdan, 16-ip uzatgichdan, 17-dasta konusidan, 18-dasta tagidan, 19-pastki tozalovchi panjaradan, 20-gidravlik transportyordan, 21- kо‘shilayotgan pilla ipi va 22-suv va bug‘ uzatuvchi trubalardan iborat (1.21-rasm).

21-rasm. SKE-4VU avtomati

Gunze sistemasidagi pilla chuvish avtomatlari ham yakka uchini topish dastgohlari bilan agregat bо‘lib ishlaydi. Har bir tozda 20 ta ilgich mavjud. Avtomat chо‘kkan holdagi pillalarni chuvishga mо‘ljallangan. Avtomat toz oldidan, chuvish tozidan, taqsimlagich, ta’minlovchi chashkalardan, xom ipakni nuqsondan tozalovchi farfor kо‘zcha yoki tirqishdan, chiziqli zichligini nazorat qiluvchi nazorat apparati datchigidan, taxlagich plankasi, yig‘ish moslamasidan, chuvilmay qolgan pillalarni yig‘ish panjarasidan va ularni yana uchini topish uchun jо‘natiladigan gidrotranspartyordan iborat (1.22-rasm).



22-rasm. Gunze sistemasidagi pilla chuvish dastgohi. 1-chuvish tozi.2-ta’minlovchi chashka.3-taqsimlagich. 4-tozoldi. 5-taraglovchi val. 6-ilgich.7-farfor kо‘zcha. 11,13,14,15-yо‘naltiruvchi roliklar. 9-taxlagich.10-charx. 12-sezgir element.16- qiya tub. 17-tozalovchi panjara.18-gidrotraspartyor.
FY-2000 S pilla chuvish avtomatlari pillani suvga tо‘ldirgan holatda 30-20⁰ C da suvda 0,65 m perimetrli charxga о‘rab oladi. Pillani silkitish va yakka uchini topish dastgohlari, pilla chuvish avtomatlari bilan gorizontal ikki chekkada joylashgan. Pillalar sharnirli о‘rnatilgan chashkalarda chuvish tozlariga yetkazib beriladi. Yakka uchini topilgan pillalar uchini birlashtirib elektroelement bilan kuydirib uziladi va chashkaga tashlanadi.

Pillalar ilgichlarga karetkalar orqali yetkazib beriladi. Pilla chuvish avtomati ikki tomonli bо‘lib, har bir seriyada 400 ta ilgich, ularni yakka uchli pillalar bilan ta’minlab turuvchi 130 ta karetkalar bor. Karetkalarda pillalar suvga chо‘kkan holatda ikki tomonlama aylanib yuradi. Yakka uchini topish silkitish uskunasida karetkalar pillaga tо‘ldirib turiladi, pilla chuvilgandan sо‘ng undan qolgan qaznoq va tо‘liq chuvilmagan pillalarni tо‘plangan joyidan olinib chiqindilarni qayta ishlash sexiga beriladi.

23-rasm. FY2000S pilla chuvish avtomatining havfli qismlari: 1-chuvish tozi; 2-karetka uchli pillalar bilan; 3- qiya tag toz oldi; 4-ilgich; 5- yо‘naltiruvchi roliklar; 6- taxlagich kо‘zchasi; 7- shaybali nazorat apparati; 8-charx.

13-jadval

FY-2000S pilla chuvish avtomatini texnik tavsifi

Gabarit о‘lchamlari : mm
Uzunligi	27940
Eni	2455
Balandligi	1866
Tomon soni	2
Har tomonda tozlar soni	10
Har bir tozda ilgichlar soni	20
Konveytrdagi koretka soni	130
Charx perimetri	0,65
Pillani chuvish tezligi m/min	140-240
Datgik tirqishi eni, mkm	72-82
Nuqson tutkich tugma teshigi diametri	0,2 - 0,3
Datchikni sozlash davri	0,2 - 0,3
Bitta seriyadagi ilgichlar soni, ta	400
Bitta seriyadagi silkitib yakka uchini topish dastgohi, ta	2

Avtomatlarda pillalarning chiziqli zichligi nazorat apparati bilan rostlab turiladi. Nazorat apparati: taraglik kuchi, ishqalanish kuchi asosida ishlaydi. Dastgohlardagi yig‘ish moslamasi charx, quritish shkafidan iborat bо‘lib, xom-ipakni krest shaklida yoki egarsimon qilib 5-7 sm kenglikda yoyib charxga о‘raladi. UzNIISHP sistemasidagi pilla chuvish avtomatlarida charx perimetri 1,2 metr va Yapon, Xitoy sistemasidagi pilla chuvish avtomatlarida 0,65 metrga tо‘g‘ri bо‘ladi.