Инвестиция фаолияти ва инвестиция сиёсати

Инвестиция фаолияти ва
инвестиция сиёсати

Режа:

• Инвестиция фаолияти тушунчаси. Ўзбекистонда инвестиция фаолиятини мувофиқлаштиришда давлатнинг роли.
• Инвестиция фаолиятига таъсир этувчи омиллар.
• Ўзбекистонда инвестиция фаолиятининг меъёрий-қонуний базаси.
• Хўжалик юритувчи субъектларнинг инвестиция фаолиятини ташкил этиш.
• Инвестиция сиёсати: унинг мазмуни, роли, асосий йўналишлари ва амалга ошириш босқичлари.

Инвестиция фаолияти

• Инвестиция фаолияти деганда, инвестиция фаолияти субъектларининг инвестицияларни амалга ошириш билан боғлиқ ҳаракатлари мажмуи тушунилади.

инвестиция субъекти,
инвестиция объекти,
инвестор,
эмитент,
инвестиция ресурслари,
реинвестициялар
Инвестиция фаолиятига доир атамалар:

Инвестиция фаолиятининг субъектлари

• Ўзбекистон Республикасининг резидентлари — фуқаролари (жисмоний шахслари), юридик шахслари;
• маҳаллий давлат ҳокимияти органлари ва давлат бошқарув органлари;
• хорижий давлатлар, халқаро ташкилотлар ва чет эллик юридик шахслар ҳамда фуқаролар, шунингдек фуқаролиги бўлмаган шахслар ва Ўзбекистон Республикасининг чет элда доимий яшовчи фуқаролари;
• ҳамкорликда инвестиция фаолиятини амалга ошираётган юридик ва жисмоний шахслар, шунингдек давлатлар ва халқаро ташкилотлар.

Инвестиция фаолияти объектлари

• Моддий ва номоддий неъматлар ишлаб чиқариш объектлари инвестиция фаолиятининг объектларидир.
• Барпо этилиши ва фойдаланилиши қонун ҳужжатларида белгиланган санитария-гигиена, радиация, экология, архитектура-шаҳарсозликка оид ва бошқа талабларга жавоб бермайдиган, юридик ва жисмоний шахсларнинг ҳуқуқларини ҳамда қонун билан қўриқланадиган манфаатларини бузадиган объектларга инвестиция киритиш таъқиқланади.

Инвестиция ресурсларига қуйидагилар киради:

• пул маблағлари (шу жумладан чет эл валютаси) ва бошқа молиявий маблағлар, шу жумладан кредитлар, пайлар, улушлар, акциялар ва бошқа қимматли қоғозлар;
• кўчар ва кўчмас мол-мулк (бинолар, иншоотлар, ускуналар, машиналар ва бошқа моддий қимматликлар) ҳамда уларга бўлган ҳуқуқлар;
• интеллектуал мулк объектлари, шу жумладан у ёки бу турдаги ишлаб чиқариш турини ташкил этиш учун зарур бўлган, техник ҳужжатлар, кўникмалар ва ишлаб чиқариш тажрибаси тарзида расмийлаштирилган, патентланган ёки патентланмаган (ноу-хау) техник, технологик, тижоратга оид ва бошқа билимлар;
• ер участкаларига ва бошқа табиий ресурсларга эгалик қилиш ҳамда улардан фойдаланиш ҳуқуқи, шунингдек мулк ҳуқуқларидан келиб чиқувчи бошқа ашёвий ҳуқуқлар.