Ўзбекинвест экспорт-импорт миллий суғурта компанияси

Давлат томонидан инвестиция фаолиятини тартибга солиш, одатда, қуйидаги мақсадларда амалга оширилади:

• - инвесторларни рағбатлантириш;
• - миллий иқтисодиётга хорижий инвестицияларни жалб этиш;
• - мамлакат ҳудудида инвесторларнинг ҳуқуқ ва манфаатларини ҳимоя қилиш;
• ички инвесторлар манфаатларини, биринчи навбатда, юзага чиқариш ва уларни ҳимоялаш.

Ўзбекистон Республикасида инвестиция фаолиятини тартибга солишнинг ҳуқуқий асослари.

Давлат инвестиция фаолиятини тартибга солиш билан бирга бевосита ўзи ҳам унда иштирок этади. Бунда у:

• - давлат инвестиция дастурларини қабул қилиш ва уларни республика бюджетидан молиялаштириш;
• - йирик инвестиция лойиҳаларини молиялаштириш учун тўловлилик, муддатлилик ва қайтариб бериш асосида республика бюджетининг марказлашган инвестиция ресурсларини тақдим этиш;
• - инвестиция лойиҳаларини амалга ошириш учун жалб этилган кредитлар учун давлат кафолатини тақдим этиш;
• - инвестиция лойиҳаларининг давлат комплекс экспертизасини олиб бориш;
• - маҳаллий ва хорижий инвесторлар учун фойдаланиш ҳуқуқларини тақдим этиш кабилар билан инвестиция фаолиятида қатнашади.

Инвестиция фаолиятини давлат томонидан тартибга солишда қуйидаги усуллардан фойдаланилади:

• - инвесторларнинг эркин фаолият юритишлари учун ҳуқуқий асосларни яратиш, мустаҳкамлаш, такомиллаштириб бориш;
• - пул-кредит сиёсати орқали;
• - ваюлта сиёсати орқали;
• - амортизация сиёсати орқали;
• - нарх сиёсати орқали;
• - дотациялар, субсидиялар тизими орқали;
• - бюджет-солиқ сиёсати, жумладан, фискал сиёсат, турли солиқлардан имтиёзлар бериш, солиқ кредитлари орқали;
• - давлат кафолатлари тизими орқали;
• - чет эллик ва маҳаллий инвесторларнинг ҳуқуқларини ҳимоя қилиш орқали;
• - айрим тармоқ, соҳа, ҳудудлар ва улардаги объектларни давлат ўз назоратида сақлаб қолиш, инвестициялаш орқали ва шу кабилар.